„პირველ რიგში ის შემიძლია ვთქვა, რომ არა, არ გადავმდგარვარ, თუმცა არის 4-5 დღის წინ გაჩენილი საკითხი, რომელიც ეხება ჩემი სამინისტროს უფლებამოსილების ფარგლებში გადასაწყვეტ საკითხს. ეს საკითხი არის ძალიან მასშტაბური და თუ ვნახე, რომ ეს პოზიცია არ იქნება გაზიარებული, მე რა თქმა უნდა არ ვიფიქრებ არც ერთ წუთს და გვერდზე გავიწევი“, განაცხადა იუსტიციის მინისტრმა თეა წულუკიანმა ჟურნალისტებთან რამდენიმე წუთის წინ, მისი თანამდებობიდან შესაძლო წასვლის შესახებ გავრცელებული ინფორმაციის კომენტირებისას.
„არა, არ გადავმდგარვარ, თუმცა არის ოთხი-ხუთი დღის წინ გაჩენილი საკითხი, რომელიც ეხება ჩემი სამინისტროს უფლებამოსილების ფარგლებში გადასაწყვეტ საკითხს. ამ თემაზე მიმდინარეობს დისკუსია. მე მაქვს ჩემი ძალიან მყარი პოზიცია, რომელიც არც რომელიმე ერთ რეფორმას, არც რომელიმე ერთ პროცედურას მიმდინარე თუნდაც ამჟამად პარლამენტში არ ეხება. ეს არის საკითხი, რომელიც არის ჩემს თვალში ყოველ შემთხვევაში ძალიან მასშტაბური, მნიშვნელოვანი ჩემთვის და თუ ვნახე, რომ ეს პოზიცია არ იქნება გაზიარებული და იქნება, ასე ვთქვათ, მიუხედავად იმისა, რომ მე მგონია, რომ ის არის ფასეული და ამ ფასეულობათა შორის წინააღმდგობა იქნება, მე, რა თქმა უნდა, არ ვიფიქრებ არც ერთ წუთს და გვერდზე გავიწევი იმიტომ, რომ თანამდებობა არ არის ფასეულობა", განაცხადა იუსტიციის მინისტრმა.
შეკითხვაზე, ეხება თუ არა ეს საკითხი მოსამართლეების თემას, თეა წულუკიანმა აღნიშნა:
„როგორც უკვე მოგახსენეთ, ეს საკითხი არის წმინდად იუსტიციის სამინისტროს უფლებამოსილების ფარგლებში გადასაჭრელი თემა. ეს არ ეხება რომელიმე რეფორმას, რომელიმე პროცესს, მათ შორის, პარლამენტში მიმდინარეს. ამიტომაც, თავს შევიკავებ, რადგან შიგნით ვმსჯელობთ აღმასრულებელი სტრუქტურების ფარგლებში, ამ თემაზე ღიად საუბრისგან დღეს. რაიმე ტრაგიკული არ ხდება. ეს არის ვფიქრობ ჯანსაღი პროცესი და თუ მე ვნახე, რომ ის პოზიცია, რომელიც მე მაქვს, არ იქნება გაზიარებული, ვიტყვი რომ ვცდებოდი და სხვა შეასრულებს ჩემს უფლებამოსილებებს.... ჩემი წასვლის პროცესი დაწყებული არ არის. მიმდინარეობს დისკუსია იმასთან დაკავშირებით, არის თუ არა ჩემი პოზიცია სწორი", უთხრა წულუკიანმა ჟურნალისტებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.