პრემიერ მინისტრმა, მამუკა ბახტაძემ პარლამენტის პლენარულ სხდომაზე ჭარბვალიანობასთან დაკავშირებით „ერთიანი ნაციონალური მოძრაობის" წევრის, რომან გოცირიძის შეკითხვას უპასუხა და აღნიშნა, რომ ჭარბვალიანობის პრობლემა სწორედ „ნაციონალური მოძრაობის" მიერ 2007 წელს „სამოქალაქო კოდექსში" შეტანილი ცვლილებებით დაიწყო.
მთავრობის მეთაურის განმარტებით, ამის გარდა, ჭარბვალიანობას ჰქონდა სხვა მიზეზებიც და „ქართულ ოცნებას" არსებული პრობელემების მალევე გადაჭრა მართებდა.
„ბ-ნო რომან, მე „დეჟავუს" განცდა მაქვს, სამი კვირის წინ, როცა მოვედი იგივე კითხვა დამისვით და მეც იგივენაირად გიპასუხებთ. ჭარბვალიანობის პრობლემა არის კომპლექსური და მას აქვს რამდენიმე წყარო. პირველად ჭარბვალიანობის პრობლემა დაიწყო თქვენი გადაწყვეტილებით და გაჩვენეთ და მოგაწოდეთ ეს გადაწყვეტილება. 2007 წელს „სამოქალაქო კოდექსში" შეტანილი ცვლილებით, რის შედეგადაც, თქვენ გააუქმეთ ზღვარი საპროცენტო განაკვეთის. ამან გამოიწვია ის, რაც გამოიწვია. მივიღეთ ჩვენ ყოვლადუკონტროლო გარემო 100, 200 და 300%-იანი სესხების....
რა თქმა უნდა, იყო სხვა მიზეზებიც, წინაზეც გიპასუხეთ და დღესაც გავიმეორებ. ჩვენ ეს უნდა გაგვეკეთებინა ადრე, სამწუხაროდ, ეს ასე არ მოხდა, მათ შორის, არსებობდა გარკვეული სუბიექტური მიზეზებიც, რომლებიც უკავშირდება იმას, რომ სანამ ეროვნულ ბანკში არ შეიცვალა ხელმძღვანელი, ეს გაჭირდა, მაგრამ „ქართული ოცნების" მთავრობას მართებდა, რომ ამ პრობლემის გადაჭრა გაეკთებინა გაცილებით ადრე", განაცხადა რომან გოცირიძის საპასუხოდ მამუკა ბახტაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.