საერთაშორისო რესპუბლიკური ინსტიტუტის (IRI) პრეზიდენტი, ყოფილი კონგრესმენი მარკ გრინი მიიჩნევს, რომ 8 ოქტომბრის არჩევნები მთლიანობაში ქართული დემოკრატიისთვის წინ გადადგმული ნაბიჯია, თუმცა მისი თქმით, პრორუსული ძალის წარმატება განგაშის ზარია.
აღნიშნულ განცხადებას „ამერიკის ხმა“ ავრცელებს.
„ღიად პრორუსული ძალის პარლამენტში მოხვედრა საქართველოს დემოკრატიის მხარდამჭერებისთვის განგაშის ზარია. ახლა პროტესტის და ერთმანეთისკენ თითის გაშვერის დრო არ არის. ახლა, დემოკრატიულმა ძალებმა უფრო ძლიერი იდეების წარმოჩენა და ამომრჩევლებამდე მიტანა უნდა შეძლონ“,-აღნიშნა გრინმა.
მისი თქმით, დროა იმ პოლიტიკოსებმა, ვინც საქართველოს მოსახლეობის უდიდესი უმრავლესობის მსგავსად, ქვეყნის დასავლურ სწრაფვას ემხრობა, ამომრჩევლებს შეახსენონ, თუ რატომ აირჩია საქართველომ ეს გზა.
„აუხსნან თუ რატომაა მნიშვნელოვანი ქვეყანამ შეინარჩუნოს კურსი ევროპის კავშირისკენ და ნატო-სკენ. ჩემთვის ამ არჩევნების ყველაზე მნიშვნელოვანი ნაწილი სწორედ ეს არის - ეს განგაშის ზარია, რომ უბრძოლველად არაფერი მოდის“,-განაცხადა მან.
ამომრჩეველთა დაბალ აქტივობას კი გრინი უნდობლობით ხსნის.
„ჩვენ ვფიქრობთ, ამას ხელი შეუწყო უნდობლობამ. პოლიტიკური პარტიები დიდ დროს ატარებენ თავიანთი თავის და პოლიტიკის მოწინააღმდეგეების მიხედვით განსაზღვრაში. დებატების დიდი ნაწილი პერსონების წინააღმდეგაა მიმართული. ჩვენთვის ეს მოულოდნელი არ ყოფილა. არჩევნებამდე რამდენიმე თვით ადრე ჩატარებულმა საზოგადოებრივი აზრის კვლევებმა გვაჩვენა, რომ საქართველოს მოსახლეობა პარტიებით უკმაყოფილო იყო, რამაც ასევე განაპირობა ამომრჩევლების დაბალი აქტივობა“,-თქვა IRI-ს პრეზიდენტმა.
გრინის შეფასებით, ყველაზე მნიშვნელოვანი არჩევნების უსაფრთხო გარემოში ჩატარება იყო.
„ჩვენთვის, ვინც არჩევნებს ვაკვირდებოდით, ისევე როგორც ქართველი ხალხისთვის, მნიშნელოვანი იყო არჩევნების მშვიდობიანად და ძალადობის გარეშე ჩატარება, რომ ადამიანებს მისცემოდათ არჩევანის უსაფრთხოდ გაკეთების საშუალება, კანდიდატებს კი არჩევნებში მონაწილეობა შესძლებოდათ. მთლიანობაში ასეც მოხდა. მანქანის აფეთქების გარდა, რაც ცალსახად დაგმობას იმსახურებს. მთლიანობაში არჩევნები მშვიდად, უსაფრთხოდ და მეტწილად, ძალადობის გარეშე ჩატარდა“,-აღნიშნა გრინმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.