საზოგადოებრივი მოძრაობა „საქართველო მშვიდობისთვის“ მიმდინარე თვის პირველ ნახევარში პარტიად დარეგისტრირდება და დამფუძნებელ ყრილობას გამართავს,- ამის შესახებ ორგანიზაციის დამფუძნებელმა დავით თევზაძემ პორტალ „კვირას“ პრეს-კლუბში განაცხადა.
დავით თევზაძე კონკრეტულ გეგმებზე საუბრისგან პარტიის დაფუძნებამდე თავს იკავებს, თუმცა აცხადებს, რომ მისი გუნდი 2016 წლის არჩევნებზე მონაწილეობისთვის მზად არის.
„იმ ვითარებას და გამოწვევებს, რომელიც ქვეყანაში შეიქმნა, საზოგადოებრივი ორგანიზაცია ვერ უპასუხებს, ამიტომ გადავწყვიტეთ პოლიტიკურ ცხოვრებაში ჩავერთოთ. რაც შეეხება ჩემს გუნდს, გეტყვით, რომ ჩემს გვერდით არიან ადამიანები, რომლებიც წლებია მიცნობენ და მენდობიან. ჩვენ მივიღებთ მონაწილეობას 2016 წლის საპარლამენტო არჩევნებში, თუმცა პირველ ეტაპზე ჩვენი მიზანი არა გამარჯვება, არამედ იმ სივრცეში მოხვედრა იქნება, სადაც კანონშემოქმედებითი საქმიანობაა. ჩვენ ვეცდებით შევიდეთ პარლამენტში და უკვე შემდგომი არჩევნებისთვის მოვიპოვოთ იმხელა პოლიტიკური ავტორიტეტი, რომ უკვე გამარჯვებაზე ვისაუბროთ“- განაცხადა დავით თევზაძემ.
თევზაძე არ საუბრობს იმაზეც, აპირებს თუ არა ის არჩევნებში, რომელიმე სხვა პოლიტიკურ ჯგუფთან ერთად კოალიციის სახით მონაწილეობას. მისი თქმით, მის მთავარ საზრუნავს მოცემულ მომენტში მხოლოდ პარტიის ოფიციალური დაფუძნება წარმოადგენს, რის შემდეგაც ეტაპობრივად ყველა პოლიტიკურ საკითხზე ისაუბრებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.