9 მაისი ახლოვდება, ფაშიზმზე გამარჯვების დღე, რომელშიც უდიდესი წვლილი შეიტანა საბჭოთა კავშირმა! რუსეთის დღევანდელი კაგებეშნიკური ხელმძღვანელობა პოლკოვნიკ პუწინის მეთაურობით ყველაფერს კადრულობს იმისთვის, რომ ეს ისტორიული გამარჯვება მხოლოდ რუსეთს და რუს ხალხს მიაწეროს, თითქოს, მაშინდელ საბჭოთა კავშირში შემავალი სხვა ქვეყნების და ხალხების მიერ გაღებული სისხლი უმნიშვნელოა!
პრეზიდენტი პუწინი, დღევანდელ ჩამორჩენილ რუსეთს და მოტყუებულ რუს ხალხს სწორედ ასეთი ცრუ პროპაგანდით ასაზრდოებს და ეს ხდება, ყოველი წლის 9 მაისიდან 9 მაისამდე (შეუძლებელია, რომ "უწყვეტად კვებო და აცხოვრო" რუსეთი და რუსები, 76 წლის წინ მსოფლიო ომში მოპოვებული გამარჯვებით, ანუ დაუსრულებლად გააბრიყვო და ყოველდღიურად ამღერო ხალხს - "ძენ პაბედი"), თავად კი, მის გარემოცვასთან ერთად მულტიმილიარდერი გახდა! არადა, გამარჯვებულ მთავარსარდალს, გენერალისიმუს სტალინს ედრება, რომელიც ცოცხალი რომ იყოს, ამ გათავხედებულ კაგებეს პოლკოვნიკს უეჭველად დახვრეტდა!!!
მეორე მსოფლიო ომის მიწურულს, საბჭოთა არმია 8 საფრონტო მიმართულებით მიიწევდა წინ, დასავლეთისკენ და სწორედ ამ 8 ფრონტზე მებრძოლმა საბჭოთა არმიებმა განდევნეს ფაშისტები: უკრაინიდან, ბელორუსიიდან, მოლდავეთდან, ბალტიის ქვეყნებიდან, პოლონეთიდან, ჩეხოსლოვაკიიდან, უნგრეთიდან, რუმინეთიდან, ბულგარეთიდან და შეიჭრნენ გერმანიაში, აიღეს ბერლინი, რაც დიდი სამამულო ომის დასრულებას ნიშნავდა! აი, იმ 8 ფრონტის სია: ლენინგრადის ფრონტი; 1-ლი ბელორუსიის, მე-2 ბელორუსიის, მე-3 ბელორუსიის ფრონტები; 1-ლი უკრაინის, მე-2 უკრაინის, მე-3 უკრაინის და მე-4 უკრაინის ფრონტები;
აი, ამ ისტორიული გამარჯვებით სპეკულირებს კაგებეშნიკი პუწინი და მისი გარემომცველი ხროვა, სწორედ ამ ისტორიული გამარჯვების წყალობით უნდათ, რომ შეინარჩუნონ და განიმტკიცონ ხელისუფლება მრავალი წლის მანძილზე! ტრაგიკული რომ არ იყოს, უბრალოდ კომიკურია პუწინის და მისი ხროვის მცდელობა, ახლანდელი რუსეთის პოლიტიკა გააიგივონ სტალინის დროინდელ საბჭოთა კავშირთან! ტრაგედია კი იმაში მდგომარეობს, რომ ეს ჭკუიდან გადასული პოლკოვნიკი პუწინი და მისი ხროვა, გადაიქცა რუსი ხალხის და მისი უახლოესი მონათესავე უკრაინელი ხალხის მკვლელად, მათ შორის სისხლისღვრის გამჩაღებლად, - უკვე, 20 000 (ოცი ათასი) რუსი და უკრაინელია დაღუპული უკრაინის აღმოსავლეთში, კერძოდ დონბასში, ზოგი მამით უკრაინელი და დედით რუსი, ზოგი პირიქით!.. პუწინის მკვლელი პოლიტიკა ტრაგიკულთან ერთად კომიკური კიდევ იმიტომაა, რომ უკრაინის მიმართულებით, ამ ქვეყნის დასაშლელად პუწინის რუსეთი 4 ფრონტიდან უტევს, ესენია: ყირიმის, ბრიანსკის, ვორონეჟის და როსტოვის 1-ლი, მე-2, მე-3 და მე-4 რუსული ფრონტები!!!!
P.S. დიქტატორ პუწინის და მისი ხროვის მმართველობა აუცილებლად დამარცხდება!!! გაიმარჯვებენ რუსეთი და რუსი ხალხი, გამთლიანებული უკრაინა და საქართველო, ქართველი და უკრაინელი ხალხები, რომლებმაც 76 წლის წინ ერთად დაამარცხეს ფაშიზმი!
P.P.S. ჰოდა, მეცოდებიან და არ დაგიმალავთ, მეზიზღებიან ის ქართველი ადამიანები, სადაც არ უნდა ცხოვრობდნენ და რა პროფესიისაც არ უნდა იყვნენ, რომლებსაც ქართული მხარეების მიმტაცებული და მათი "დამოუკიდებელ სახელმწიფოებად ამღიარებელი" პუწინის, - რუსების, უკრაინელების, ქართველების მკვლელი მონსტრის, - თაყვანისმცემლები არიან!!! მე ამას ვერავის ვაპატიებ, თუნდაც ჩემი შვილები იყვნენ და არც ღმერთს შევთხოვ ასეთი გადაგვარებული ქართველების პატიებას!...
ჯუმბერ კირვალიძე,
პოლიტოლოგი - დამთავრებული აქვს ლომონოსოვის სახელობის მოსკოვის სახელმწიფო უნივერსიტეტი
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.