იაპონიაში 25 წლის განმავლობაში ყველაზე საშინელმა ტროპიკულმა ქარიშხალმა, სახელწოდებით „ჯები“ სულ მცირე 10 ადამიანის სიცოცხლე იმსხვერპლა, იტყობინება BBC. ტაიფუნი ქვეყნის დასავლეთ ნაწილს, ქალაქებს კიოტოს და ოსაკას დაატყდა თავს და ადამიანური მსხვერპლის გარდა სხვა მნიშვნელოვანი ზიანიც მიაყენა დასავლეთ რეგიონს.
საჰაერო, სარკინიგზო და საზღვაო-სატრანსპორტო მიმოსვლა შეჩერებულია. გაუქმებულია 800-ზე მეტი ავიარეისი. გაუქმებული ავიარეისების გამო, ათასობით მგზავრია დაყოვნებული ოსაკას საერთაშორისო აეროპორტში.
ქარიშხლის ჩრდილოეთით გადანაცვლებისა და ქარის სიჩქარის შენელების პირობებში მოსახლეობას დაჟინებით მოუწოდებენ სიფრთხილისკენ, რადგან მოსალოდნელია მეწყერული პროცესების გააქტიურება და წყალდიდობები.
ტაიფუნმა სულ მცირე 300 ადამიანი დააზიანა, როგორც ეს მთავრობის წარმომადგენელმა იოშიდე შუგამ განაცხადა.
ოთხშაბათ დილისთვის 1.2 მილიონზე მეტი ადამიანის ევაკუაციის შესახებ გაიცა რჩევა. 30 ათასზე მეტ ადამიანს კი უფრო დაჟინებით მოსთხოვეს ევაკუაცია, მაგრამ რეკომენდაცია ჯერ კიდევ არ არის სავალდებულო, იტყობინება BBC.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.