დასახელდა თბილისის 14 ქუჩა და გამზირი, მათ შორის ერთი გზატკეცილი, სადაც 1-ელი მარტიდან მიკროავტობუსები მხოლოდ ავტობუსებისთვის განკუთვნილ გაჩერებებზე შეძლებენ მგზავრთა აყვანას და შესაბამისად, მოქალაქეთა სამარშრუტო ტაქსებიდან ჩამოსვლაც მხოლოდ აღნიშნულ მოსაცდელებზე იქნება დაშვებული.

თბილისის მერის მოადგილემ, მაია ბითაძემ თბილისის მცხოვრებლებს მოუწოდა გაჩერება მხოლოდ მოსაცდელებზე მოითხოვონ. „ეს ორ მთავარ მიზანს ემსახურება, პირველი, ეს არის მგზავრთა უსაფრთხოება, მეორე – დამატებითი საცობების ნაკადების თავიდან აცილება. შესაბამისად, სამარშრუტო ტაქსების მძღოლები 1-ელი მარტიდან მხოლოდ მოსაცდელებზე გააჩერებენ. მოვუწოდებთ მოსახლეობას, დამორჩილონ იმ მოთხოვნებს, რაც კანონმდებლობით არის დადგენილი“, განაცხადა ბითაძემ დედაქალაქის მუნიციპალიტეტის მთავრობის სხდომის დასრულების შემდეგ.

დაბლა მოცემულია თბილისის ის ქუჩები და გამზირები, სადაც ხუთშაბიდან მერიის საპილოტე პროექტი ამოქმედდება.

1. მერაბ კოსტავას ქუჩა

2. ვაჟა-ფშაველას გამზირი

3. შოთა რუსთაველის გამზირი

4. პეტრე მელიქიშვილის ქუჩა

5. ალექსანდრე ყაზბეგის გამზირი

6. ვახტანგ გორგასლის ქუჩა

7. დავით აღმაშენებლის ხეივანი

8. დავით აღმაშენებლის გამზირი

9. ილია ჭავჭავაძის გამზირი

10. ჟიული შარტავას ქუჩა

11. პეკინის ქუჩა

12. მარშალ გელოვანის გამზირი

13. ჯორჯ ბუშის ქუჩა

14. კახეთის გზატკეცილი