რუსეთის ფედერალური უსაფრთხოების სამსახურმა ცენტრალური აზიიდან რუსეთში ჩასული ორი პირი დააკავა, რომლებიც მოსკოვსა და მოსკოვის ოლქში 1 სექტემბრისთვის ტერაქტებს ამზადებდნენ. ინფორმაციას რუსული სააგენტო „რია ნოვოსტი“ რუსეთის ФСБ-ზე დაყრდნობით ავრცელებს.
„ФСБ-მ ქალაქ მოსკოვის და მოსკოვის ოლქის ტერიტორიებზე გამოავლინა და აღკვეთა დანაშაულებრივი ქმედება ცენტრალური აზიის რეგიონიდან ჩამოსული ორი პირის მხრიდან, რომლებიც მიმდინარე წლის 1-ელ სექტემბერს მასობრივი თავშეყრის ადგილებში ტერორისტული აქტების ჩადენას გეგმავდნენ“, ნათქვამია განცხადებაში.
ეჭვმიტანილების ტელეფონში „ისლამური სახელმწიფოს“ ე.წ. დამვერბოვკებელთა კონტაქტები და ტერაქტების მომზადებასთან დაკავშირებით ინსტრუქციები ნახეს.
როგორც „რია ნოვოსტი“ იტყობინება, ერთ-ერთი ტერორისტი აპირებდა თავის აფეთქებას, მეორე კი ცივი იარაღით მოქალაქეებზე თავდასხმას. ეჭვმიტანილთა ჩხრეკისას თვითნაკეთი ასაფეთქებელი მოწყობილობა აღმოაჩინეს, რომელსაც დიდი მასშტაბის აფეთქების გამოწვევა შეუძლია. ასევე აღმოჩენილ იქნა მისი დამზადების წესები. დაკავებულებმა აღიარეს, რომ აპირებდნენ თვითმკვლელი ტერორისტები გამხდარიყვნენ.
1-ელ სექტემბერს რუსეთში ახალი სასწავლო წელი იწყება და სკოლებში საზეიმო ღონისძიებები ეწყობა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.