NATO-ს საპარლამენტო ასამბლეის საგაზაფხულო სესიის პოლიტიკისა და უსაფრთხოების კომიტეტების სხდომაზე მიხეილ ჯანელიძემ ქვეყანაში მიმდინარე და განხორციელებულ რეფორმებზე, ევროატლანტიკურ გეგმებსა და ქვეყნის დე-ოკუპაციაზე საუბრისას თქვა, რომ „ჩვენ არ გვჭირდება MAP-ი, ჩვენ გვჭირდება წევრობა“.

„მე ვთქვი, რომ ჩვენ გვსურს წევრობა, MAP-ი არ არის მიზანი, მიზანი არის წევრობა... იყო ძალიან ფართო და სიღრმისეული განხილვა საქართველოს საგარეო-პოლიტიკური პრიორიტეტების, იმ ქმედებების, რომელსაც ჩვენ ვახორციელებთ, როგორც ევროპული, ევრო-ატლანტიკური ინტეგრაციის მიმართულებით, ასევე რეგიონალური და გლობალური თანამშრომლობის კუთხით“, განაცხადა მინისტრმა ჯანელიძემ ჟურნალისტებთან საუბრისას და დაამატა: „ჩვენ რა თქმა უნდა ვისაუბრეთ ოკუპაციაზე, იმ გამოწვევებზე, რომელიც ოკუპაციით ქვეყანას აქვს“.