საქართველოს ცენტრალური საარჩევნო კომისიის თავმჯდომარის, თამარ ჟვანიას განცხადებით, ცესკო 8 ოქტომბრის საპარლამენტო არჩევნებისა და მეორე ტურის შედეგების გათვალისწინებით, საბოლოო შემაჯამებელ ოქმს 18 ნოემბერს გამოაქვეყნებს.

დღეს გამართულ ბრიფიგზე ჟვანიამ განაცხადა, რომ წინასწარი შედეგების დამუშვება ფაქტობრივად დასრულებულია. ამ დროის მონაცემებით, ოლქებში, საოლქო-საარჩევნო კომისიებში სულ 195 საჩივარია რეგისტრირებული. საჩივრების რეგისტრაციის ვადა კიდევ არის ორი დღე.

„საჩივრების უმეტესობა შეეხება ტექნიკურ, პროცედურულ საკითხებს, მოთხოვნების ძალიან დიდი უმრავლესობა გახლავთ დისციპლინარული პასუხისმგებლობის ზომები. მნიშვნელოვანია ასევე, რომ საჩივრების, დავების განხილვის პროცესი წარიმართოს გამჭვირვალედ. ყველა პროცესის დასრულების შემდეგ, არაუგვიანეს მე-11 დღისა, საოლქო-სარჩევნო კომისიები მაჟროტიარულ ნაწილში შეაჯამებენ არჩევნების შედეგებს, ხოლო ცენტრალური სარჩევნო კომისია არაუგვიანეს მე-19 დღისა, რომელიც უწევს 18 ნოემბერს, 8 ოქტომბრის საპარლამენტო არჩევნებისა და მეორე ტურის შედეგების გათვალისწინებით, შეაჯამებს საბოლოო შედეგებს“, - აღნიშნა თამარ ჟვანიამ.