ბიზნესმენ გიორგი კაპანაძის განცხადებით, 2010 წელს ვანო მერაბიშვილის დავალებით დაბა გუდაურში აქტივები 10 მლნ ევროდ შეაძენინეს, ერთი წლის შემდეგ კი ერთ დოლარად დააბრუნებინეს სახელმწიფოსთვის. ამის შესახებ ბიზნესმენმა "ტელეიმედის" გადაცემა "პოლიტიკის დროში" განაცხადა. ამასთან, კაპანაძის მტკიცებით, 200 000 დოლარის ჯარიმის ჩამოწერის სანაცვლოდ 50 000 ლარი გიორგი ღონიაშვილის ხელით თბილისის მერს გიგი უგულავას გადაუხადა.
"2010 წელს ვანო მერაბიშვილის დავალებით შეგვაძენინეს აქტივები დაბა გუდაურში, ეს იყო სასტუმრო "მარკო პოლო". ამ ბიზნესის ინტერესი არ გვქონდა. ჩვენი ბიზნესი იყო ზესტაფონის ფეროშენადნობთა ქარხანა და არანაირად არ გვჭირდებოდა გუდაურის აქტივები. ეს არ იყო ჩვენი პროფილი, მაგრამ ალტერნატივა გვქონდა კარტოფილის სანახები, საბურავების გაურკვეველი საწარმოები, აქედან გამომდინარე თხილამურებით სრიალი ვიცით კარგად მე და ჩემმა პარტნიორებმა და კარტოფილის სანახებს ვამჯობინეთ სათხილამურო კურორტი. ეს მუდმივად გრძელდებოდა ხან ვანო მერაბიშვილისგან, ხან ზურაბ ადეიშვილისგან, ხან ბენდუქიძისგან, ოქრუაშვილისგან. ბოლოს გამოჩნდა გიგი უგულავა. გუდაურის აქტივები გვაყიდინეს 10 მლნ ევროდ. ზუსტად ერთ წელიწადში ჩვენს პარტნიორს, ილია კოკაიას დაუკავშირდა გიგი უგულავას მოადგილე ვინმე ცხაკაია და განუცხადა, რომ უნდა დაგვებრუნებინა ეს აქტივები ერთ დოლარად, რაზეც ჩემმა პარტნიორმა განუცხადა თანხმობა. ჩვენი გამოცდილებიდან გამომდინარე, სხვა გზა არ გვქონდა. მათი მეშვეობით ციხეშიც კი ვარ ნამყოფი. ჩვენი ინფორმაციით, ეს იყო პირადად დორბლიანი სააკაშვილის დავალებთ. ვერ ვიქნები კორექტული სააკაშვილის მიმართ, რადგან ის დამნაშავეა", - აღნიშნა კაპანაძემ.
მისივე თქმით, მას შემდეგ, რაც გუდაურის აქტივები დააბრუნებინეს, ყოფილმა ხელისუფლებამ მათ თბილისის ზღვის ტერიტორია 5 მლნ ინვესტიციების ვალდებულებით შესთავაზა. თუმცა მისმა კომპანიამ ეს ვალდებულება არ შეასრულა, რისთვისაც მერიამ ჯარიმა 200 000 დოლარი დააკისრა.
"ჩვენმა კომპანიამ არ განახორციელა თავისი ვალდებულებები, იმიტომ, რომ ამის აზრს ვერ ვხედავდით მათი ხელისუფლების პირობებში, რადგან საბოლოოდ წაგვართმევდნენ, ჩამოგვართმევდნენ, გადაიფორმებდნენ, რის გამოც ჩვენ დაგვეწერა 200 000 დოლარი ჯარიმა. მე ვთხოვდი, რომ ეს იყო არასამართლიანი. დღევანდელ მთავრობას აქვს ასეთი პოლიტიკა, რომ მათ ყველას ჩამოაწერეს ასეთი ტიპის ჯარიმები, ისინი ყველას უწყობენ ხელს, უმსუბუქებენ მდგომარეობას. მათზე არანაირად არ იმოქმედა ამ მაგალითებმა. სანამ მე მათთან არ მივაღწიე მოლაპარაკებას, რომ 50 000 ლარის საფასურად ჩამომაწერდნენ ჯარიმებს, მანამდე მათ არ ჩამომაწერეს. ეს თანხა გიორგი ღონიაშვილს გადავეცი, იმის საფასურად, რომ მერიას სახელშეკრულებო ვალდებულებით დაკისრებული ჯარიმები ჩამოეწერა ჩემი კომპანიისთვის. ყველა მტკიცებულება არსებობს. ღონიაშვილმა ქრთამი გადასცა გიგი უგულავას", - განაცხადა კაპანაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.