თბილისში, ჭაბუა ამირეჯიბის გზატკეცილზე არსებულ კლდოვან ფერდობზე, ორ მწვავე ლოკაციაზე ქვათაცვენის საწინააღმდეგო ბადის მოწყობის სამუშაოები მიმდინარეობს. ამ დროისთვის, პირველადი გადაუდებელი საპრევენციო ღონისძიებები უკვე ჩატარებულია.
სამუშაოებს თბილისის მერი კახა კალაძე მერის მოადგილე ირაკლი ბენდელიანთან ერთად გაეცნო.
„მიმდინარეობს ქვათაცვენის საწინააღმდეგო სამუშაოები - დამცავი ბადის მოწყობა. აღნიშნული ფერდი პრობლემურია და ქვათაცვენის ფაქტები ხშირია. ამ ეტაპზე, ხელოვნურად ხდება ფერდის ჩამოშლა იმ ლოკაციებზე, სადაც საშიშროება არსებობს. პარალელურად, მოხდება კლდოვანი ფერდის დაანკერება. კვლევები მიმდინარეობს, რამდენ მეტრში უნდა იყოს ანკერები გაკეთებული. რა თქმა უნდა, ამ სამუშაოების მერე აღნიშნული ფერდი იქნება უსაფრთხო. წლების წინ, როდესაც აღნიშნული პროექტი განხორციელდა, დამცავი ბადე მხოლოდ კონკრეტულ მონაკვეთზე იყო მოწყობილი. მომავალში კი განვახორციელებთ პროექტს, რაც, დაახლოებით, 17 მილიონი ლარი დაჯდება და უსაფრთხოებისთვის მნიშვნელოვანია“, - განაცხადა კახა კალაძემ.
აღნიშნულ მონაკვეთზე, ფერდის ავარიული ფრაგმენტების ჩამოწმენდა და ფარდის პრინციპით მოწყობილი ძველი, ამორტიზებული ბადის დემონტაჟი დასრულებულია. ახალი ბადე დაშვებულია, რომლის ჩამაგრებაც კვლევის შედეგებზე დაყრდნობით, ჩაანკერების პრინციპით განხორციელდება, რაც უსაფრთხოების უფრო მაღალ სტანდარტს განაპირობებს.
გარდა ამისა, საავტომობილო გზის გასწვრივ, უსაფრთხოების მიზნით, დამატებით მოწყობილია შემაფერხებელი ბარიერი.
სამუშაოებს, თბილისის მერიის ინფრასტრუქტურის განვითარების საქალაქო სამსახურის დაკვეთით, შპს „მანგი“ ახორციელებს. ჭაბუა ამირეჯიბის გზატკეცილზე მიმდინარე სამუშაოები ნოემბერში დასრულდება.
ადგილზე დედაქალაქის მერთან ერთად, ინფრასტრუქტურის განვითარების საქალაქო სამსახურის უფროსი გიორგი აბუთიძე, საბურთალოს გამგებელი გიზო ვასაძე და რაიონის მაჟორიტარი დეპუტატი ავთანდილ ცინცაძე იმყოფებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.