პრეზიდენტის პარლამენტში ყოველწლიური მოხსენებით გამოსვლის საკითხის შეფასებისას დავით უსუფაშვილმა განაცხადა, რომ მთავრობას 3 თებერვლის პლენარულ სხდომაზე დასწრების უფლება აქვს, მაგრამ არა ვალდებულება.
"საქართველოს პრეზიდენტის პარლამენტში მოსვლის დღეს უნდა შევხვდეთ რაც შეიძლება საქმიანად, ინტერესით, მაგრამ არა რაღაც მორიგი სკანდალებით. პრემიერ-მინისტრმა ამაზე იუსაუბრა, როცა თქვა, რომ ეს არის ჩვეულებრივი, მნიშვნელოვანი მოვლენა და თუ მას ფიზიკური შესაძლებლობა ექნება და რაიმე სხვა უფრო მნიშვნელოვანით არ იქნება დაკავებული, ის ამ შეხვედრას დაესწრება ხოლმე – არა მხოლოდ ახლა, არამედ ზოგადად, მომავლშიც. იგივე პოზიცია დაიკავეს მთავრობის წევრებმა და ამ თემაზე პასუხი გაცემულია. ჩვენ ვსაუბრობთ პარლამენტის მიერ პრეზიდენტის ყოველწლიური მოხსენების მოსმენაზე და შესაბამისად, ამ სხდომაზე ყოფნის ვალდებულება აქვთ პარლამენტის წევრებს და პრეზიდენტს. სხვა თანამდებობის პირებს - პრემიერს და მინისტრებს აქვთ უფლება, პარლამენტის სხდომებს დაესწრონ და სურვილის შემთხვევაში, პარლამენტის კარი რა თქმა უნდა, მათთვის ღია იქნება," განუცხადა ჟურნალისტებს უსუფაშვილმა.
რაც შეეხება პრეზიდენტის მოხსენების მოსმენის ფორმატს, უსუფაშვილი ამბობს, დებატები ნებისმიერ შემთხვევაში იქნება და აჟიოტაჟი საჭირო არ არის.
"თუკი მხოლოდ ფრაქციები გამოვლენ, ამას პოლიტიკური დებატები არ ერქმევა და აქ რაიმე სიცილ-კისკისი, ჩახუტება და ალერსი იქნება?! გვაქვს ორი ფორმატი, როცა ფრაქციების წარმომადგენლები გამოდიან, პარლამენტის ბიუროს მიერ დადგენილი ხანგრძლივობით. პარლამენტში 12 ფრაქცია გვაქვს – აქედან შვიდია უმრავლესობაში და ხუთი – უმრავლესობის გარეთ. მეორე შემთხვევაში, თუკი დებატები იქნება, ამას ემატება ჩემი გამოსვლა, ვიცე-სპიკერების გამოსვლა და ფრაქციების გარეთ მყოფი დეპუტატების გამოსვლა. აქაც აჟიოტაჟია ატეხილი, რადგან დებატები ყველა შემთხვევაში იქნება – გამოვა უმრავლესობა, უმცირესობა და თავ-თავიანთ პოზიციას დააფიქსირებენ," განუცხადა ჟურნალისტებს დავით უსუფაშვილმა.
პარლამენტის თავმჯდომარის დავით უსუფაშვილის განცხადებით, საქართველოს პრეზიდენტის პარლამენტში ყოველწლიური მოხსენებით მოსვლა ქვეყნისთვის ისეთივე ჩვეულებრივი მოვლენა უნდა გახდეს, როგორიც ახალი წლის მოსვლაა. მისი თქმით, პრეზიდენტის მოსმენის ფორმატზე გადაწყვეტილებას ბიურო მიიღებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.