ძლიერი ქარბუქი, რომელსაც უხვი თოვლი ახლავს, აშშ-ს აღმოსავლეთ სანაპიროებს უახლოვდება. რამდენიმე საათში თოვლის საფარმა ამერიკის დიდ ნაწილში 60 სმ-ს მიაღწია.

ათეულობით შტატში 50 მილიონზე მეტი ადამიანი გააფრთხილეს, რომ სახლში დარჩნენ, რადგან ქარბუქი ამჟამად ჩრდილოეთისაკენ მიემართება.

კვირისათვის, როცა შტორმი ვაშინგტონს ჩაუვლის, თოვლის საფარმა შესაძლოა რეკორდულ მაჩვენებელს, 76 სმ-ს მიაღწიოს.

სულ მცირე 9 ადამიანია გარდაცვლილი და 10 შტატში საგანგებო მდგომარეობა გამოცხადდა. სატრანსპორტო მომსახურება გაუქმდა, სახლები კი ელექტორენერგიის გარეშეა დარჩენილი.

გაუარესებულმა ამინდმა ქვეყნის უზარმაზარი ტერიტორია მოიცვა, კერძოდ, არკანზასიდან, სამხრეთში, მასაჩუსეტამდე ჩრდილო-აღმოსავლეთში.

პარასკევს სუპერმარკეტების დახლები პროდუქტებისაგან პირველი ფიფქების დაცემამდე დაცარიელდა.

პარასკევისთვის 7 000-სზე მეტი ავიარეისი გაუქმდა

100 000-სზე მეტი ოჯახი ჩრდილო კაროლაინაში ელექტროენერგიის გარეშე დარჩა

ავტოსაგაზაო შემთხვევებს 9 ადამიანის სიცოცხლე ემსხვეპლა ჩრდილო კაროლაინაში, კენტუკიში, ტენისისა და ვირჯინიაში

მხოლოდ ვირჯინიაში პარასკევ საღამოსთვის სახელმწიფო პოლიციამ 989 ავტოსაგზაო შემთხვევა დააფიქსირა

საგანგებო მდგომარეობა გამოცხადდა, ტენესიში, ჯორჯიაში, კენტუკიში, ჩრდილო კაროლაინაში, ნიუ ჯერსიში, ვირჯინიაში, დასავლეთ ვირჯინიაში, მერილენდში, პენსილვანიაში და კოლუმბიის რაიონში

ვაშინგტონის სატრანსპორტო სისტემა - აშშ-ში მე-2 ყველაზე დატვირთული - შაბათ-კვირის განმავლობაში დაკეტილი იქნება

პრეზიდენტი ობამა თეთრ სახლში რჩება

ამინდის ეროვნულმა სამსახურმა გამაფრთხილებელი განცხადება გააკეთა, რომლის მიხედვითაც ყველაზე მეტი თოვლი ვაშინგტონში შაბათს დილის საათებსა და შუადღეს არის მოსალოდნელი, უხვ თოვლს კი თან დაერთვება ქარი, 80კმ/სთ სიჩქარით. ამინდის პროგნოზის თანახმად, თოვლმა აშშ-ს დედაქალაქში შესაძლოა გაადაჭარბოს 1922 წლის რეკორდულ 76 სმ-იან მაჩვენებელს.

ვაშინგტონში ქუჩები ცარიელია, რესტორნები, ბარები და სუპერმარკეტები დაკეტილი რჩება.