გავრცელებული ინფორმაციით, ქმრისა და 5 წლის შვილის მკვლელობაში ბრალდებულმა ახალგაზრდა ქალბატონმა ჩვენება რამდენჯერმე შეცვალა და ამ დროისთვის ის ბრალს არ აღიარებს.


შინაგან საქმეთა სამინისტრომ გუშინ გაავრცელა ვიდეომასალა, სადაც გამომძიებელი აცხადებდა, რომ დაკავებულმა დანაშაული აღიარა, თუმცა მოგვიანებით აღნიშნული კომენტარი სამინისტრომ ვებგვერდიდან ამოიღო. ამასთან დაკავშირებით შინაგან საქმეთა სამინისტროს კომენტარი ჯერჯერობით არ გაუკეთებია.


დიღმის მასივში ახალგაზრდა მამაკაცისა და არასრულწლოვანი ბავშვის მკვლელობისთვის შსს-მ 1990 წელს დაბადებული მაგდა პ. დააკავა. "გამოძიების ინფორმაციით, ბრალდებულმა მიმდინარე წლის დღეს, გამთენიისას ურთიერთშელაპარაკების ნიადაგზე, მეუღლეს, 1988 წელს დაბადებულ ომარ ქ.-ს ბლაგვი საგნით თავის არეში მრავლობითი დაზიანება მიაყენა, რის შედეგადაც იგი ადგილზე გარდაიცვალა. შემდეგ მაგდა პ.-მ. გაგუდა მცირეწლოვანი შვილი. მან კვალის დაფარვის მიზნით, ცხედრები თავისი საცხოვრებელი ბინიდან კორპუსის წინ ეზოში გაიტანა და შემთხვევის ადგილიდან მიიმალა.


გამოძიება დამამძიმებელ გარემოებაში განზრახ მკვლელობის ფაქტზე მიმდინარეობს", - ნათქვამია შსს-ს განცხადებაში.


მაგდა პ.-ის ინტერესებს სახაზინო ადვოკატი იცავს.