საქართველოში ევროკავშირის წარმომადგენლობის ხელმძღვანელმა საქართველოსთან დაკავშირებით ევროკომისიის დასკვნა შეაფასა.

„ევროკომისიამ გამოაქვეყნა თავისი მეოთხე და ბოლო შეფასების ანგარიში ვიზალიბერალიზაციის სამოქმედო გეგმაზე. ეს არის საქართველოს მხრიდან შესრულებული ვალდებულებებისა და წარმატებით გატარებული რეფორმების შედეგი. ეს არის რეკომენდაციების არაჩვეულებრივი შესრულება, რომელმაც მიგვიყვანა არაჩვეულებრივ წარმატებამდე. ყველას ვულოცავ არსებულ მიღწევას, მე შემიძლია, დაახლოებითი დრო გითხრათ. რაც ჩვენ ახლა ვიცით, ის არის, რომ ევროკომისია წარადგენს თავის წინადადებას ევროკავშირის სამართლებრივ ორგანოში, შემდეგ დაიწყება დისკუსიები და საბოლოოდ, პროგრესი წევრი ქვეყნების ხელშია. ასევე, ევროპარლამენტის წევრების ხელში. დრო, რომელიც საჭირო იქნება, გამოცდილებიდან გამომდინარე, და ჩვენ ეს გამოვცადეთ მოლდოვის შემთხვევაში, დრო, კომისიის პროგრესის ანგარიშსა და ვიზალიბერალიზაციის მიღწევამდე იყო ოთხიდან ხუთ თვემდე. ეს არის დაახლოებითი დრო, რომელიც შეიძლება გამოვიყენოთ საორიენტაციოდ, მაგრამ, რა თქმა უნდა, საბოლოოდ ვერ დავეყრდნობით, რადგან შესაძლოა, იყოს მნიშვნელოვანი განსხვავება ქვეყნებს შორის.“- განაცხადა ჰერმანმა.