ნინოწმინდის მუნიციპალიტეტის საკრებულოს სხდომათა დარბაზში მორიგი სხდომა გაიმართა, რომელსაც საკრებულოს თავმჯდომარე ვაან აროიანი უძღვებოდა.

სხდომას საკრებულოს წევრებთან ერთად მერიის საფინანსო - საბიუჯეტო სამსახურის უფროსი სამველ არზუმანიანი, მერიის ეკონომიკის სამსახურის უფროსი საიათ მკოიანი, და სხვა წარმომადგენლები ესწრებოდნენ.

განსახილველი იყო ორი საკითხი:

1. ნინოწმინდის მუნიციპალიტეტის 2022 წლის ბიუჯეტის 9 (ცხრა) თვის შესრულების ანგარიშის მოსმენისა და შეფასების შესახებ;

2. ნინოწმინდის მუნიციპალიტეტის საკუთრებაში არსებული უძრავი ქონების (ამბულატორიები) სახელმწიფოსთვის უსასყიდლოდ საკუთრებაში გადაცემის შესახებ.

დღის წესრიგის ორივე საკითხი ერთხმად დამტკიცდა.

ინფორმაციას ნინოწმინდის მუნიციპალიტეტის საკრებულო ავრცელებს.