ყოფილი პრემიერ-მინისტრის, ბიძინა ივანიშვილის განცხადებით, საქართველოში სამოქალაქო დაპირისპირების საშიშროება არ არსებობს. ამის შესახებ ივანიშვილმა "ქრონიკასთან" ინტერვიუში განაცხადა.
"არაფერი ხდება გარდა ამ 2 ათასი კაცისა. 2 ათას კაცს ნებისმიერ ქელეხზე მოაგროვებ. "რუსთავი 2" დაათრევს ამ 2 ათას კაცს - ზოგს ფულს უხდის, ზოგი ნათესავია, ზოგი მეგობარია და აწვალებს. არაფერი არ ხდება. რომელ სამოქალაქო დაპირისპირებაზეა საუბარი?
მინდა ხალხს სიმშვიდისა და სიწნარისკენ მოვუწოდო. 2 ათას კაცს, კიდევ ერთხელ ვიმეორებ, ნებისმიერ ქელეხზე მოაგროვებს ნებისმიერი ოჯახი.
არავითარი საფუძველი სამოქალაქო დაპირისპირებისა არ არსებობს. პრეზიდენტს უნდა, რომ შექმნას ეს საფუძველი. მისი განცხადება, ეს ეჭვი მაქვს, მხოლოდ ამას ემსახურებოდა, რამეთუ რეალური საფუძველი არ არსებობს. არაფერი ხდება. ხდება ის, რომ ერთმა მესაკუთრემ განცხადება შეიტანა სასამართლოში და ისტერიკებშია "ნაციონალური მოძრაობა" გვარამიას მეთაურობით. რა უნდათ, რა ისტერიკები აქვთ? ეს ისტერიკები გამოიწვევს სამოქალაქო დაპირისპირებას? ბოდიში მოიხადეთ. ამის არავითარი საფუძველი არ არსებობს", - განაცხადა ივანიშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.