წინა ხელისუფლებას ზუსტად 10-ჯერ მეტი ე.წ. "ნარუშილოვკა" ჰქონდა გაცემული, რომელთა აღრიცხვაც არ ხდებოდა, - ამის შესახებ პარლამენტის სხდომაზე თავდაცვისა და უშიშროების კომიტეტის თავმჯდომარემ, ირაკლი სესიაშვილმა განაცხადა.
სესიაშვილის განმარტებით, აღნიშნული დოკუმენტის აღურიცხველობის მიზეზი იყო სწორედ ის, რომ მათ წინა ხელისუფლების მაღალი რანგის თანდებობის პირების ოჯახის წევრები იყენებდნენ.
"წინა ხელისუფლებას ზუსტად 10-ჯერ მეტი "ნარუშილოვკა" ჰქონდა გაცემული. ეს, რა თქმა უნდა, არ ამართლებს იმას, რომ ჩვენი ხელისუფლების პირობებშიც ხდება ამ დოკუმენტის რიგ შემთხვევებში, შესაძლო არამიზნობრივად გამოყენება, მაგრამ ფაქტია, რომ არა მხოლოდ 10-ჯერ მეტად იყო ის გამოყენებული, არამედ მისი აღრიცხვა საერთოდ არ ხორციელდებოდა ზუსტად იმ მიზნით, რომ ამით ესარგებლათ ჩემი დღევანდელი კოლეგებისა და მაშინდელი სახელმწიფო თანამდებობის პირების ოჯახის წევრებს, ნათესავებს, მეგობრებს და ასე შემდეგ", - განაცხადა ირაკლი სესიაშვილმა და დაამატა, რომ ე.წ. "ნარუშილოვკებთან" დაკავშირებული პრობლემა ახლაც არსებობს და დაწყებულია ზომების მიღება მის გადასაჭრელად.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.