თბილისში, პარლამენტის შენობასთან 20-21 ივნისის საპროტესტო აქციისას დაშავებული დემეტრე ნაყოფია, რომელსაც თვალი და თავი დაუზიანდა, თუმცა ექიმებმა მისთვის თვალის შენარჩუნება შეძლეს, რუსთაველის გამზირზე განვითარებულ მოვლენებს იხსნენებს და ამბობს, რომ პოლიციამ პარლამენტთან დარჩენილ დემონსტრანტების მცირე ჯგუფს ფარები ააფარა „შემოდითო, პირბადეები, ეს ყველაფერი მოგვიწყვეს, უპრობლემოდ და დაგვიცვეს, მართლა დაგვიცვეს. თავისი მოვალეობა შეასრულეს პირნათლად“.

დემეტრე ნაყოფია ტელეკომპანია „იმედთან“ ინტერვიუში აცხადებს, რომ არ უნდა ჰქონდეს უფლება „ნაციონალურ მოძრაობას“ რომ ამდენი ილაპარაკონ და მით უმეტეს, „პროვოკაცია მოხაზონ“, რადგან „ყველას გვახსოვს, 2012-2011-10-2009-2008 რა წლები გამოვიარეთ ჩვენ ქართველმა ხალხმა“.

„კიბესთან აღმოვჩნდით უცებ, გადმოაგდეს ეს გაზის ბალონები დასაშლელად. ამითი დაშალეს 5 წუთით ხალხი და 5 წუთში ისევ დავბრუნდით. თუმცა, მე მესმის მათიც, მე ვუშვებ ეხლა იმ ფაქტსაც, რომ ნებისმიერ სხვა ევროპული ქვეყნის მთავრობის სახლს ვინმე რომ დაესხას გაზის ბალონი კი არა, ბოდიში და შეიძლება „ისტრიბიწელი“ გადმოაფრინონ.

შეტევაზეც არ მივდიოდი, მე მივდიოდი იმიტომ, რომ დავამყარეთ რაღაცა დონის კავშირი იმ წინა ხაზთან, ვინც ფარიანი ბიჭები იდგნენ. მე მათ ძალიან დიდი მადლობა მინდა გადავუხადო პირველ რიგში, იმიტომ რომ ჯერ ერთი მესმის მათი მდგომარეობის, როდესაც ფიცი აქვთ დადებული და სამშობლო უნდა დაიცვან. ახლა კი იტყვის ადამიანი, სამშობლო იქაა, სადაც მოსახლეობაა, მაგრამ აქ კიდევ მეორე მხარეა, კონსტიტუციური მხარე.

არ დაბნეულან იმ მომნეტში, თუნდაც როდესაც აი, რაციით რომ გადასცეს სიტყვაზე, ან რაღაც ეგეთი მოხდა, რომ, იმიტომ, რომ უცებ მიხვდნენ, რომ აპირებდნენ რაღაცა რეზინის ტყვიების და მერე ისევ გაზის გამოყენებას, ვინც ვიყავით იქ, ბოლოს ძალიან ცოტა ხალხი შემოვრჩით, ფარები აგვაფარეს მართლა. წინ გადმოწიეს ფარები - შემოდითო, პირბადეები, ეს ყველაფერი მოგვიწყვეს, უპრობლემოდ და დაგვიცვეს, მართლა დაგვიცვეს. თავისი მოვალეობა შეასრულეს პირნათლად.

რაც იყო ყველაზე მთავარი, როდესაც იწყებოდა, ხალხის ტალღა როდესაც მოგვაწვებოდა და ვიწყებდით ყვირილს, ადრენალინი, ყველაფერი - ამ დროს იწყებდნენ რატომღაც „ნაციონალებიც“ ყვირილს. იმ წუთშივე ვწყვეტდით ამ ყვირილს პარლამენტის მიმართ, ვინც ვიყავით იქ ერთი დაჯგუფება და შემდეგ ვიყოლიებდით ყველას. ვტრიალდებოდით და ვუწყებდით „ნაციონალებს“ გაჩუმებას, ლანძღვას და რა თქმა უნდა, პირველ რიგში ვლანძღავდით „ნაციონალებს“, რომ თქვენ საერთოდ ვინ გეკითხებათ ჩვენი ქვეყნის ამბავს. აქ იყო გარკვეულად ჩვენი და ხელისუფლებას შორის რომ შეთანხმებამდე მივსულიყავით.

ყველას გვახსოვს, ხომ ჩვენ 2012-2011-10-2009-2008 რაც წლები გამოვიარეთ ჩვენ ქართველმა ხალხმა და ელემენტარული ჩემი აზრით, ჩემი რჩევა იქნება, როგორც რიგითი მოქალაქის, თუ ვინმე ყურს მიგდებს, რომ უბრალოდ არ უნდა ჰქონდეთ უფლება ამ პარტიას, რომ ამდენი ილაპარაკონ და მით უმეტეს თუ აი, პროვოკაცია არის, ამხელა პროვოკაცია რომ მოხაზონ. უბრალოდ არ უნდა ჰქონდეთ გასაქანი იმ მთავრობას, რომელმაც მაშინ ჩვენ ეს გვიქნა“, განაცხადა დემეტრე ნაყოფიამ.