გრიგოლეთში, ავტოავარიას 7 ადამიანი ემსხვერპლა. შინაგან საქმეთა სამინისტროს განცხადებით, შემთხვევა დაახლოებით 20:00 საათზე მოხდა.
ერთმანეთს მიკროავტობუსი და მერსედესის მარკის ავტომობილები შეეჯახნენ, რის შედეგადაც "მერსედესის" მარკის ავტომანქანა აფეთქდა და შიგ მჯდომი ექვსივე მგზავრი, მათ შორის ორი მცირეწლოვანი ბავშვი დაიღუპა.
სამარშრუტო ტაქსიში მჯდომი 3 მგზავრი გადარჩა. ერთ-ერთი მათგანი ფოთის ცენტრალურ კლინიკურ საავადმყოფოში გადაჰყავდათ სასწრაფო სამედიცინო დახმარების მანქანით, რა დროსაც კიდევ ერთი ავარია მოხდა - სასწრაფო დახმარების მანქანა და პოლიციის პიკაპის ტიპის მანქანა ერთმანეთს შეეჯახა და დაშავებული ქალბატონი ადგილზევე გარდაიცვალა.
ავტოავარიის შედეგად დაშავებულები არიან სასწრაფო დახმარების ექიმები და სამი პოლიციელი. დაშავებულები ფოთის ცენტრალურ კლინიკურ საავადმყოფოში გადაიყვანეს.
შსს-ს ცნობით, მომხდარზე გამოძიება 276-ე მუხლის მე-7 ნაწილით დაიწყო, რაც ტრანსპორტის მოძრაობის უსაფრთხოებისა ან ექსპლუატაციის წესის დარღვევას გულისხმობს, რამაც 2 ან მეტი ადამიანის გარდაცვალება გამოიწვია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.