გლდანის რაიონში ინფრასტრუქტურული სამუშაოები მიმდინარეობს, რომლის ფარგლებშიც, მუხიანის მეოთხე ბ მიკრორაიონში მდებარე N32 ა - 35 ა კორპუსების მიმდებარედ სკვერის რეაბილიტაცია დაიწყო.
სამუშაოების შედეგად, 1 600 კვ. მ ფართობზე ბავშვთა გასართობი სივრცე, გარე განათებისა და სარწყავი სისტემები მოეწყობა. ასევე, განთავსდება თანამედროვე სტანდარტების შესაბამისი მულტიფუნქციური კალათბურთის მოედანი, ჩატარდება გამწვანების სამუშაოები და დაირგვება სხვადასხვა სახეობის ხე-მცენარეები.
სამუშაოების მიმდინარეობას გლდანის რაიონის გამგებელი ბექა მიქაუტაძე გაეცნო და მოსახლეობას პროექტის შესახებ ინფორმაცია მიაწოდა.
„რაიონის მასშტაბით, გამგეობა არაერთ ინფრასტრუქტურულ პროექტს ახორციელებს. მოსახლეობისთვის განსაკუთრებით მნიშვნელოვანი გასართობი და რეკრეაციული სივრცეების შექმნაა. აღნიშნული სკვერი ძალიან ცუდ მდგომარეობაში იყო, რეაბილიტაციის შედეგად კი გლდანის რაიონს კიდევ ერთი კეთილმოწყობილი სკვერი შეემატება, სადაც გასართობი ზონების გარდა, ჯანსაღი ცხოვრების წესის ხელშეწყობისთვის კალათბურთის მოედანიც მოეწყობა“, განაცხადა ბექა მიქაუტაძემ.
სამუშაოები, რომელსაც გლდანის რაიონის გამგეობის დაკვეთით, ტენდერში გამარჯვებული შპს „პე - ბე“ ახორციელებს, მიმდინარე წლის აგვისტოში დასრულდება.
სკვერის რეაბილიტაციისთვის გლდანის რაიონის გამგეობის ბიუჯეტიდან 222 083 ლარია გათვალისწინებული.
ინფორმაციას თბილისის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.