ხონის მუნიციპალიტეტს რეგიონებში განსახორციელებელი პროექტების ფონდიდან 2019 წელს 12 პროექტი 2 639 139 ლარით დაუფინანსდა.

რეგიონული განვითარებისა და ინფრასტრუქტურის სამინისტროს მიერ მოწოდებული ინფორმაციით, ინფრასტრუქტურული პროექტების ფარგლებში, რეგფონდიდან ქალაქ ხონში იპ. ხვიჩიას ქუჩის მეორე შესახვევის (პირველი უბნის სასასფლაომდე მისასვლელი გზა), გურამიშვილის, ბაგრატიონის ქუჩების გაგრძელების, ნინოშვილის, მებუკის, ტიციან ტაბიძის, ნიკოლაძის ქუჩების მოასფალტებას 1 191 918 ლარი მოხმარდება.

ამავე ფონდიდან, სოფელ დიდ კუხში ძიძიგურებისა და გორდაძეების უბნებში, სოფელ ნახახულევში უგულავების უბანში, სოფლების ივანდიდი - კუხის დამაკავშირებელ გზაზე მოსაასფალტებელი სამუშაოებისათვის 1 258 381 ლარი გამოიყო.

ინფრასტრუქტურული პროექტების ფარგლებში, ქალაქ ხონში სოლომონ მეორის ქუჩის პირველ და მორე შესახვევში ასფალტ-ბეტონის გზები მოეწყობა, რომლისთვისაც გამოყოფილია 188 840 ლარი.

ინფორმაციას ხონის მუნიციპალიტეტის მერიის პრესსამსახური ავრცელებს.