„2019 წელს თბილისის მერია დაიწყებს ფიროსმანის ქუჩის სარეაბილიტაციო სამუშაოებს, ასევე დაიწყება თანამედროვე სტანდარტის ნაგავსაყრელის პოლიგონის მოწყობის სამუშაოები“, განაცხადა კახა კალაძემ თბილისის მუნიციპალიტეტის მთავრობის სხდომაზე.
„ჩვენ ვიცით, თუ რა მდგომარეობაა იქ, კატასტროფულად მძიმე სიტუაცია არის, შესაბამისად, ამის მოწესრიგება არის ერთ-ერთი უმნიშვნელოვანესი პრიორიტეტი, რომ მოვიდეთ თანამედროვე, ევროპულ სტანდარტებში, როგორც განვითარებულ ქალაქებში არის.
ასევე მინდა გითხრათ, რომ ორი მულტიფუნქციური სპორტული კომპლექსის მშენებლობას ვაპირებთ. უკვე არის კონკრეტული ლოკაციები შერჩეული - ვარკეთილი და დიდი დიღომი და დავიწყებთ ამ პროექტების განხორციელებას“.
ვაკის რაონში ვაპირებთ ჭავჭავაძის გამზირის სრულ რეაბილიტაციას, თავის მიწისქვეშა კომუნიკაციებით, განათებებით, გამწვანებით და ესეც იქნება მოწესრიგებული. გლდანში, ხიზანიშვილის და ვეკუას ქუჩების სრული რეაბილიტაცია განხორციელდება. იქაც ძალიან მძიმე მდგომარეობა გვაქვს. ასევე მნიშვნელოვანია მაჭავარიანის ქუჩისა და გელოვანის გამზირის დამაკავშირებელი ახალი გზის მშენებლობა, რომელიც 2019 წელს დაიწყება. ეს არის ლისიდან ჩამოსასველი, ახალი გზა გვინდა გავაკეთოთ, რომელიც „ვეფხი და მოყმესთან“ ჩამოვა და გელოვანის გამზირს დაუკავშირდება“, აღნიშნა კალაძემ.
მისივე თქმით, მომავალ წელს თბილისში ინფრასტრუქტურასა და კეთილმოწყობაზე 430 მილიონი ლარი დაიხარჯება.
კალაძის განცხადებით 2019 წელს თბილისში 11 ახალი საბავშვო ბაღის მშენებლობა იგეგმება, დამატებით 20 მილიონი ლარია გამოყოფილი ავარიული ბაღების რეკონსტრუქციისა და გამაგრების სამუშაოებისთვის.
„მნიშვნელოვანი ხარჯებია გათვალისწინებული გუდიაშვილისა და ორბელიანის მოედნების რეაბილიტაციის დასრულებისთვის და მშრალი ხიდის რეაბილიტაციისთვის, ასევე გათვალისწინებული გვაქვს თანხები კახეთის გზატკეცილის სრული რეაბილიტაციის მიზნით. ეს გზა ცენტრალური მაგისტრალია და როცა ქალაქში შემოდიხარ, გზა უნდა იყოს მოწესრიგებული, გამართული. არსებული მდგომარეობა მძიმეა და გვინდა, სრული რეაბილიტაცია ჩავუტაროთ ცენტრალურ მაგისტრალს, მარჯვენა და მარცხენა სათადარიგო გზებზე, მარცხენაზე უკვე დასრულებულია სამუშაოები. მარჯვენაზე რამდენიმე კვირაში დასრულდება და მომავალ წელ ვიწყებთ სრულ რეაბილიტაციას“, განაცხადა კახა კალაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.