„ჩემთვის ძნელია კომენტარი გავაკეთო სპეციფიკურ საქმეებზე, რომლის შესახებაც არ ვიცი, მაგრამ ის, რაც ზოგადად შემიძლია გითხრათ, არის ის, რომ ჩვენ ვაღიარებთ და მხარს ვუჭერთ საქართველოს ტერიტორიულ მთლიანობას მის საერთაშორისოდ აღიარებულ საზღვრებში და მოვუწოდებთ რუსეთს უკან წაიღოს აფხაზეთის და სამხრეთ ოსეთის, როგორც დამოუკიდებელი სახელმწიფოების აღიარება, რადგან ეს რეგიონები საქართველოს ნაწილებს წარმოადგენს, მის საერთაშორისოდ აღიარებულ საზღვრებში“, განაცხადა ნატოს გენერალურმა მდივანმა, იენს სტოლტენბერგმა ოთხშაბათს გამართულ პრესკონფერენიცაზე, ბრიუსელში, რუსული საოკუპაციო ძალების მიერ სოფელ ახალი ხურვალეთიდან სამი მცირეწლოვანი შვილის დედის, მაია ოთინაშვილის გატაცების ფაქტთან დაკავშირებით დასმული შეკითხვის პასუხად.

„და ჩვენ მოვუწოდებთ რუსეთს გაიყვანოს თავისი ჯარები როგორც აფხაზეთიდან, ისე სამხრეთ ოსეთიდან. და მე ვფიქრობ, რომ ბევრი მიზეზია იმისა, რომ რუსეთს ამ ნაბიჯის გადადგმისკენ მოუწოდო. ეს არის მხოლოდ ის გზა, პატივი სცე საქართველოს ტერიტორიულ ერთიანობას და სუვერენიტეტს, და რა თქმა უნდა ეს არის გზა, გადაწყვიტო სხვა ინციდენტები, რომელიც დაკავშირებულია იმ გამოწვევებთან და პრობლემებთან, რასაც რუსეთის სამხედრო ძალების ყოფნა ქმნის იქ და რასაც ისინი ქმნიან საქართველოში მცხოვრები ადამიანებისთვის“, განაცხადა სტოლტენბერგმა.