ვაშინგტონში რუსეთის ფედერაციის მოქალაქე მარია ბუტინა რუსეთის სასარგებლოდ შპიონაჟის ბრალდებით დააკავეს, ნათქვამია შეერთებული შტატების იუსტიციის დეპარტამენტის მიერ ახლახან გავრცელებულ განცხადებაში.
„მარია ბუტინა, 29 წლის, რუსეთის მოქალაქე, მცხოვრები ვაშინგტონში, კოლუმბიის ოლქში, დაკავებულ იქნა 2018 წლის 15 ივლისს ვაშინგტონში და პირველად წარსდგა დღეს, დღის მეორე ნახევარში კოლუმბიის ოლქის სასამართლოში. იგი პატიმრობაში რჩება 2018 წლის 18 ივლისამდე, როცა სასამართლოზე მისი მოსმენა გაიმართება“, ნათქვამია განცხადებაში.
„ბრალდების მხარის თანახმად, 2015 წლიდან სულ მცირე 2017 წლის თებერვლამდე, ბუტინა მუშაობდა რუსეთის ხელისუფლების მაღალი რანგის ოფიციალური პირის ბრძანებების შემსრულებლად - პირის, რომელიც ადრე რუსეთის პარლამენტის დეპუტატი იყო, შემდეგ კი რუსეთის ფედერაციის ცენტრალური ბანკის მაღალი რანგის წარმომადგენელი გახდა. აღნიშნული პირი ამჟამად აშშ-ის ფინანსთა სამინისტროს სანქციების ქვეშ იმყოფება“, ვკითხულობთ განცხადებაში, სადაც რუსი ოფიციალური პირის სახელი და გვარი არაა ნახსენები, თუმცა ამერიკული მედია წერს, რომ ბუტინა რუსეთის ბანკის თავმჯდომარის მოადგილე ალექსანდრ ტორშინთან კავშირში იმყოფებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.