ქარიშხალმა „მარიამ“ პუერტო რიკოში 4 600-ზე მეტი ადამიანი იმსხვერპლა, 70-ჯერ მეტი, ვიდრე ოფიციალური მონაცემებია, იტყობინება BBC ჰარვარდის უნივერსიტეტის კვლევაზე დაყრდნობით.
გასული წლის სექტემბრის ქარიშხლის შემდეგ სიკვდილიანობის მესამედი გამოწვეული იყო სამედიცინო დახმარების შეფერხების გამო, რაც ელექტროენერგიის გათიშვით და გზების ჩახერგვით იყო განპირობებული, აცხადებენ მკვლევარები.
პუერტო რიკოს მთავრობამ განაცხადა, რომ მას „ყოველთვის ჰქონდა იმის მოლოდინი, რომ რიცხვი იმაზე მეტი იქნებოდა, ვიდრე ეს მანამდე იყო გავრცელებული“.
ოფიციალური მონაცემებით დაღუპულთა რიცხვმა 64 შეადგინა.
ჰარვარდის მკვლევარებმა განაცხადეს, რომ პუერტო რიკოში განხორციელებული ინტერვიუები ადასტურებს, რომ სიკვდილიანობა შტორმიდან სამ თვეში 60%-ით არის გაზრდილი.
მათ, მიმდინარე წლის იანვარ-მარტში შემთხვევითი შერჩევის პრინციპზე 3 000-ზე მეტ მცხოვრებთან ჩაწერეს ინტერვიუ და მობინადრეებს ჰკითხეს საცხოვრებელი ადგილის შეცვლის, ინფრასტრუქტურის ჩამოშლის და სიკვდილის მიზეზებზე.
ამის შემდეგ მათ შეადარეს თავიანთი შედეგები 2016 წლის იმავე პერიოდის სიკვდილიანობის ოფიციალურ მონაცემებს - ერთი წლის წინანდელ პერიოდს, ვიდრე პუერტო რიკოს ქარიშხალი დაატყდებოდა თავს.
მკვლევარებმა განაცხადეს, რომ „ქარიშხლიდან ერთი თვის შემდეგ მაღალი სიკვდილიანობის ძირითადი მიზეზი“ სამედიცინო მომსახურების შეფერხება იყო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.