მუზეუმის საერთაშორისო დღესთან დაკავშირებით ქვეყნის მასშტაბით აქცია „მოდი ღამე მუზეუმში“ ჩატარდა. აქციას წყალტუბოს გიორგი ახვლედიანის სახელობის მხარეთმცოდნეობის მუზეუმი განახლებული ექსპონატებით და დატვირთული პროგრამით შეუერთდა.

მუზეუმში მისულ დამთვალიერებელს საშუალება ჰქონდა მიეღო ინფორმაცია წყალტუბოს ციხეების ისტორიაზე, არქეოლოგიაზე, მე-19 საუუნის ქალაქურ ყოფაზე, ნუმიზმატიკაზე. ასევე, ენახა დროებითი გამოფენები: „წყალტუბო ძველად და ახლა“, „შეწყვეტილი გაზაფხულები“ - ნაადრევად გარდაცვლილი მედეა გვიმრაძის და კონსტანტინე ფურცხვანიძის ნაუშევრების გამოფენა.

მუზეუმში გამოფენილი იყო წყალტუბოს საპატიო მოქალაქის - თენგიზ იოსელიანის მიერ მუზეუმისთვის საჩუქრად გადაცემული ნივთები, 80 წელს გადაცილებული წყალტუბოს მკვიდრის, ნათელა ყურაშვილის ნაქარგები.

მუზეუმმა სპეციალურად ამ დღისთვის ვიზიტორებს სიახლე შესთავაზა - საქართველოს დამოუკიდებულობის 100 წლისთავისადმი მიძღვნილი კუთხე, ვიდეო რგოლი „წყალტუბო - უკვდავების წყაროების ქალაქი“, „ქართული მარანი“. სახალხო თეატრის მსახიობებმა ოტია იოსელიანსა და ნიკო ლორთქიფანიძის შემოქმედებიდან პერსონაჟები გააცოცხლეს.

დასასრულს აქციის მონაწილეებმა სანთლებით გაანათეს 9 აპრილისა და ქართველ გმირთა მემორიალი და მშვიდობის ნიშნად გაუშვეს ფრანები. „მოდი ღამე მუზეუმში“ წყალტუბოში, კონცერტით დასრულდა.

„მოდი ღამე მუზეუმში“ აქციას წყალტუბოელებთან ერთად წყალტუბოს მუნიციპალიტეტის მერი გრიგოლ იოსელიანი, წყალტუბოს მაჟორიტარი დეპუტატი ცოტნე ზურაბიანი, საკრებულოს თავმჯდომარე გრიგოლ ივანეიშვილი და ადგილობრივი თვითმმართველობის წარმომადგენლები შეუერთდნენ. ღონისძიების ორგანიზატორი იყო ა(ა)იპ „წყალტუბოს მუნიციპალიტეტის კულტურის ცენტრი“.

ინფორმაციას წყალტუბოს მუნიციპალიტეტის საკრებულოს პრეს-სამსახური ავრცელებს.