ტეხასის სკოლაში განხორციელებული სროლების შედეგად, 10 ადამიანია მოკლული და 10 კი დაჭრილი, მათგან უმეტესობა სკოლის მოსწავლეები არიან.

ჰიუსტონის სამხრეთით დაახლოებით 65 კილომეტრში მდებარე „სანტა ფე“-ს სკოლაზე განხორციელებული თავდასხმის შემდეგ პატიმრობაშია აყვანილი ერთი პირი, როგორც ამას BBC სკოლის ოფიციალურ პირებზე დაყრდნობით იუწყება.

პოლიციის ცნობით, თავდამსხმელი სკოლის 17 წლის სტუდენტია, რომელმაც ცეცხლსასროლი იარაღი და რევოლვერი წამოიღო მამამისისგან, რომელიც კანონიერად ფლობდა ამ იარაღებს. 

ტეხასის გუბერნატორმა, გრეგ აბოტმა განაცხადა, რომ სკოლაში სხვადასხვა სახის ასაფეთქებელი მოწყობილობებია ნაპოვნი, მათ შორის ე.წ. მოლოტოვის კოქტეილი. 

აბოტის თქმით, პოლიციამ ეჭვმიტანილის დღიურებში, კომპიუტერში და მობილურ ტელეფონში აღმოაჩინა ინფორმაციები, რომელიც მიუთითებს იმაზე, რომ 17 წლის ბიჭი ამ თავდასხმას წინასწარ გეგმავდა და ამის შემდეგ თავის მოკვლა ჰქონდა განზრახული.