საქართველოს თავდაცვის მინისტრმა სამხედრო მოსამსახურის ოჯახს მეექვსე შვილის დაბადება მიულოცა. ვიცე-პოლკოვნიკ თამაზ ბერძენიშვილს, რომელიც ამჟამად სამშვიდობო მისიის ფარგლებში ავღანეთის დედაქალაქ ქაბულში იმყოფება, მეექვსე შვილი შეეძინა. გაგუას კლინიკაში მყოფ თამაზ ბერძენიშვილის მეუღლეს, დიანა ბერიკაშვილს, დღეს მოულოდნელად თავდაცვის მინისტრი ექსტუმრა და ოჯახს მეექვსე შვილის დაბადება მიულოცა.
ვიცე-პოლკოვნიკ თამაზ ბერძენიშვილსა და მის მეუღლეს, ნიკოლოზის გარდა, ორი ვაჟი და სამი ქალიშვილი ჰყავს. ნიკოლოზის მამა, ვიცე-პოლკოვნიკი თამაზ ბერძენიშვილი, რომელიც საქართველოს შეიარაღებულ ძალებში 2002 წლიდან მსახურობს, სახმელეთო ჯარების დასავლეთ სარდლობის G-3 ოპერატიული დაგეგმვის სამსახურის უფროსი ოფიცერია.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.