ჰააგის სასამართლოში სამხედრო დანაშაულობებთან დაკავშირებით მიმდინარე პროცესი შეჩერდა მას შემდეგ, რაც დანაშაულში ბრალდებულმა, ბოსნიელმა ხორვატმა სლობოდან პრალიაკმა ვერდიქტის გამოცხადებისას სავარაუდოდ, საწამლავი მიიღო. ამის შესახებ BBC იუწყება.
სლობოდან პრალიაკი ერთ-ერთია იმ ექვს ბოსნიელ ხორვატ პოლიტიკურ და სამხედრო ლიდერებს შორის, რომელსაც ჰააგის სასამართლო უმძიმეს დანაშაულობებში სდებს ბრალს.
იგი აღმოსავლეთ მოსტარში სამხედრო დანაშულობათა ჩადენის ბრალდებით 2013 წელს გასამართლდა და 20-წლიანი პატიმრობა მიესაჯა.
დღევანდელ სასამართლო პროცესზე, სადაც 4 წლის წინათ გამოცხადებული განაჩენის გასაჩივრების პოცედურების დასრულების შემდეგ, მისი საბოლოო ვერდიქტი ცხადდებოდა, მან მოსამართლეს უთხრა: „მე საწამლავი მივიღე“.
პრალიაკმა პროცესზე მისი ხელი პირისკენ წაიღო, მცირე სასმისი მიიყუდა, თავი უკან გადასწია და აშკარად ჩანდა, რომ პატარა ჭიქიდან რაღაც დალია, რომელიც, როგორც მისმა ადვოკატმა უთხრა სასამართლოს, საწამლავი იყო.
მოსამართლემ დაუყოვნებლივ გასცა ბრძანება ფარდები დაშვებულიყო და პროცესი შეწყდა, იუწყება BBC.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.