პარტია „ქართული ოცნება - დემოკრატიული საქართველოს“ მერობის კანდიდატი გოჩა კურდღელია ფოთის მაჟორიტარ დეპუტატ ირაკლი ხახუბიასთან ერთად, შპს „აისბერგში“ იმყოფებოდა, სადაც სამუშაო პროცესს გაეცნო და ადგილზე დასაქმებულებს გაესაუბრა.
„სწორად დაგეგმილი ეკონომიკური პოლიტიკის შედეგად, „ქართული ოცნების“ ხელისუფლებამ ქვეყნის ეკონომიკური წინსვლა უზრუნველყო და საქართველო ეკონომიკური ზრდის თვალსაზრისით, რეგიონის ერთ-ერთი ლიდერი გახდა. ეკონომიკის პოლიტიკის ძირითადი მიზანი ქალაქის ეკონომიკის მდგრადი და დინამიური განვითარებაა, რაც თავისთავად, ქალაქისა და მოქალაქეების შემოსავლების ზრდას ხელს შეუწყობს“, განაცხადა მერობის კანდიდატმა.
მისივე თქმით, ინფრასტრუქტურული პროექტების განხორციებისას, მაქსიმალური ყურადღება ადგილობრივების დასაქმებას დაეთმობა.
„მმართველ გუნდს აქვს მუნიციპალიტეტების განვითარების გეგმა. ეს განვითარება მოხდება ისე, რომ მასში ადგილობრივები იქნებიან ჩართული, რადგან მოსახლეობამ უკეთ იცის, თუ რა სჭირდება მათ ქალაქს. ჩვენ ერთად უნდა შევძლოთ, რომ ფოთი ინფრასტრუქტურულად გამართულ და ინვესტორებისთვის მიმზიდველ ქალაქად ვაქციოთ“, აღნიშნა გოჩა კურდღელიამ.
შპს „აისბერგის“ პერსონალი ადგილობრივი კადრებითაა დაკომპლქტებული.
ინფორმაციას პარტიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.