ბოლო დღეებში სულ იმაზე იყო საუბარი, რომ ტერიტორია 1 ლარად სხვისდებოდა და არავინ საუბრობდა მილიონი ლარის ინვესტიციის განხორციელებაზე, აღნიშნული განცხადება თბილისის საკრებულოს თავმჯდომარემ, გიორგი ალიბეგაშვილმა გააკეთა.

მისით თქმით, „თუკი ვინმეს რაიმე ეჭვი ან უარყოფითი დამოკიდებულება აქვს დღეს მიღებულ საკითხებთან დაკავშირებით, არსებობს სასამართლო და შეუძლიათ საკრებულოს გადაწყვეტილება 30 დღის ვადაში გაასაჩივრონ".

„განცხადებები კეთდებოდა, რომ თაბორის მთა იყიდებოდა, არავინ საკითხის არსში არ წვდებოდა, კერძოდ, თუ რა უნდა გაკეთდეს იმ ტერიტორიებზე. მთელი ფერდობის მელიორაციის სისტემის განვითარებაზეა საუბარი. ქალაქისთვის ეს ერთ-ერთი უბრწყინვალესი პროექტია, რომელიც 1 მილიარდ 500 მილიონიან ინვესტიციას ითვალისწინებს, ამაზე უნდა გამახვილდეს ყურადღება”, განაცხადა ალიბეგაშვილმა.

თბილისის საკრებულომ დღეს დედაქალაქში ორი მიწის ნაკვეთის გასხვისებასთან დაკავშირებული საკითხები დაამტკიცა.