თბილისში, ზემო ფონიჭალაში 206-ე საბავშვო ბაღის მე-2 სართულიდან გადმოვარდნილი ბავშვის ჯანმრთელობის მდგომარეობა სტაბილურად მძიმეა.
ექიმების ინფორმაციით, მცირეწლოვანის სიცოცხლეს საფრთხე არ ემუქრება, თუმცა გადმოვარდნის შედეგად მიღებული დაზიანებები სერიოზულია.
„გამოხატული იყო ფილტვის დაჟეჟილობა, მარცხენა პლევრის ღრუში იყო ჰაერი და სისხლი. მოხდა დრენირება, ჩაიდგა დრენაჟი, რის ფონზეც მდგომარეობა გაუმჯობესდა.
კონტაქტი ჯერჯერობით ისეთი აქტიური ვერ მყარდება.
სტაბილურად მძიმე რჩება, საკმაოდ ცოტა დროა გასული, რომ შევაფასოთ საფრთხეები, თუმცა ვფიქრობ, რომ მაინც სიცოცხლეს საფრთხე არ უნდა ემუქრებოდეს,“ განაცხადა „რუსთავი 2"-თან საუბრისას პედიატრიული რეანიმაციისა და ინტენსიური თერაპიის დეპარტამენტის ხელმძღვანელმა, თინათინ იმერლიშვილმა.
206-ე საბავშვო ბაღის მე-2 სართულიდან 3 წლის ბავშვი გუშინ დილით გადმოვარდა. მომხდარის შემდეგ, ბაღის დირექტორი, აღმზრდელი და აღმზრდელის თანაშემწე თანამდებობიდან გათავისუფლდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.