ბორჯომის ხეობაში ხანძრის წინააღმდეგ ბრძოლას 6 ვერტმფრენი და ერთი თურქული თვითმფრინავი ადრიანი დილიდან შეუდგა. მძიმე ტექნიკას მუშაობა ღამის განმავლობაში არ შეუწყვეტია.
ოთხშაბათს, დღის ბოლოსთვის, ბორჯომის ხეობაში ხანძრის ძირითადი კერების ლოკალიზება მოახდინეს, თუმცა, გარკვეულ მონაკვეთებზე კერები ქარმა გააღვივა და მაშველი-მეხანძრეები, მეტყევეები, პოლიციელები, მუშაობას მთელი ღამის განმავლობაში, 24 საათიან რეჟიმში განაგრძობდნენ.
საგანგებო შტაბში აცხადებენ, რომ ცოცხალი ძალის მიერ გაჭრილია ხანძრის კერებთან მისასვლელი გზები და დასახულია დღევანდელი დღის სამოქმედო გეგმა.
საქართველოს პრემიერ მინისტრი და მისი კაბინეტის წევრები სტიქიის ზონაში რჩებიან.
საქართველოს პრემიერ მინისტრმა ბორჯომის ხეობაში არსებულ ვითარებასთან დაკავშირებით კომენტარი ოთხშაბათ საღამოს გააკეთა და თქვა, რომ ძლიერმა ქარმა ხანძრის რამდენიმე კერა გააძლიერა, თუმცა დასძინა, რომ ვითარება კონტროლს ექვემდებარება და მოსახლეობის მიმართულებით ცეცხლის გავრცელების საფრთხე არ არსებობდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.