მიმდინარე წლის ადგილობრივი თვითმმართველობის არჩევნებზე „ქართული ოცნება - დემოკრატიული საქართველო“ გამგებლების და მერების კანდიდატურების შერჩევის პროცესს ახორციელებს.
როგორც Guardian.ge-ს სამმა სხვადასხვა სახელისუფლებო წყარომ - რომელთაც ანონიმურად დარჩენა ისურვეს - განუცხადა, 2017 წლის ოქტომბრის ადგილობრივი თვითმმართველობის არჩევნებში დღევანდელი გამგებლების აბსოლუტური უმრავლესობა აღარ მიიღებს მონაწილეობას.
აღნიშნულთან დაკავშირებით Guardian.ge რამდენიმე მუნიციპალიტეტის პირველ პირებს დაუკავშირდა. როგორც მოქმედმა გამგებლებმა განაცხადეს, ამ საკითხის გარშემო მათ დაზუსტებული ინფორმაცია არ გააჩნიათ, თუმცა ისინი მმართველი პარტიის გადაწყვეტილებას დაემორჩილებიან და მათ ნაცვლად სხვა კანდიდატების დასახელების შემთხვევაში, მხარს სახელისუფლებო კანდიდატურებს დაუჭერენ.
გამგებლების უმრავლესობას კვალიფიკაცია გასულ წელს საქართველოს ყოფილმა პრემიერ მინისტრმა, ბიძინა ივანიშვილმა დაუწუნა და თქვა, რომ გამგებლებს კვალიფიციურობა აკლიათ, მართვის გამოცდილება არ აქვთ და არ იციან ეკონომიკა.
„ქართულ ოცნებას“, ისევე როგორც სხვა წამყვან პოლიტიკურ ძალებს, ჯერჯერობით მხოლოდ თბილისის მერობის კანდიდატები ჰყავთ დასახელებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.