ბულგარეთის სოფელ ჰიტრინოში სატვირთო მატარებელი, რომელსაც პროპანის გაზი გადაჰქონდა, ლიანდაგებიდან გადავიდა და აფეთქდა, რის შედეგადაც სულ მცირე 4 ადამიანი გარდაიცვალა, 20-ზე მეტი კი დამწვრობებისა და სხვა დაზიანებების გამო საავადმყოფოშია გადაყვანილი.
BBC -ის ცნობით, ადგილობრივი დროით დილის 05:30 საათზე, სოფლის სადგურის სიახლოვეს ლიანდაგებიდან მატარებლის გადასვლისას ორი ავზი ელქტროგადამცემ ხაზს დაეჯახა და აფეთქდა.
„ორმა აფეთქებამ სერიოზული ხანძარი გამოიწვია და სულ მცირე 20 შენობა დაანგრია, ბევრი ადამიანია დაშავებული... დიდ ნაწილს დამწვრობები აქვს მიღებული“, განუცხადა შინაგან საქმეთა სამინისტროს მაღალჩინოსანმა გეორგი კოსტოვმა ახალი ამბების სააგენტო „როიტერსს“.
ბულგარეთის პრემიერ მინისტრმა, ბოიკო ბორისოვმა განაცხადა, რომ იგი მიემგზავრება სოფელ ჰიტრინოში, რომელშიც დაახლოებით 800 ადამიანი ცხოვრობს და რომელიც ბულგარეთის ჩრდილო-აღმოსავლეთით, შუმანის პროვინციაში, შავი ზღვის სანაპიროდან დაახლოებით 100 კილომეტრის მანძილზე მდებარეობს.
სოციალურ მედიაში გამოქვეყნებულ პრემიერ მინისტრის განცხადებაში აღნიშნულია, რომ საავადმყოფოს სისხლის მიწოდება ესაჭიროება და მან რეგიონის მცხოვრებთ სისხლის დონაციისაკენ მოუწოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.