საქართველოს მე-9 მოწვევის პარლამენტში 5 ფრაქცია დარეგისტრირდა. "ქართული ოცნებაც" და "ერთიანი ნაციონალური მოძრაობაც" პარლამენტში ორ-ორი ფრაქციით იქნებიან წარმოდგენილი.
სხდომაზე მოხდა უმრავლესობისა და უმცირესობის ფორმირება.
”ქართული ოცნების” უმრავლესობა 116 დეპუტატისგან შედგება. უმრავლესობის შემადგენლობაში შედის ”ქართული ოცნების” სახელით არჩეული პარლამენტის 115 წევრი, რომელთაც ”მრეწველების” სახელით ხაშურის მაჟორიტარულ ოლქში არჩეული სიმონ ნოზაძეც უერთდება. უმრავლესობის ლიდერია არჩილ თალაკვაძე.
რაც შეეხება უმცირესობას, საპარლამენტო უმცირესობა ”ნაციონალური მოძრაობის” დეპუტატებისგან შედგება.
უმრავლესობაში შექნილი ფრაქციები:
”ქართული ოცნება” - ფრაქციაში 110 დეპუტატი გაერთიანდა. მას მამუკა მდინარეძე უხელმძღვანელებს.
”ქართული ოცნება - მრეწველები” - ფრაქცია 6 დეპუტატით იქნება წარმოდგენილი. ფრაქციის თავმჯდომარეა ”მრეწველების” დეპუტატი სიმონ ნოზაძე.
უმცირესობის ფარგლებში შექმნილი ფრაქციები:
”ნაციონალურმა მოძრაობა” - ფრაქცია 20 წევრს აერთიანებს. მას ნიკა მელია უხელმძღვანელებს.
”ნაციონალური მოძრაობა - საქართველოს წინსვლისთვის” - აღნიშნული ფრაქცია 6-კაციანია და მას ელენე ხოშტარია უხელმძღვანელებს. აღნიშნულ ფრაქციაში ”ნაციონალური მოძრაობის” ე.წ. ახალი სახეები ერთიანდებიან, რომლებიც უპარტიო დეპუტატები არიან.
კიდევ ერთი ფრაქცია, რომელიც მე-9 მოწვევის პარლამენტში ჩამოყალიბდა, არის ”საქართველოს პატრიოტები”. 6-დეპუტატისგან შემდგარ ფრაქციას გიორგი ლომაია უხელმძღვანელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.