პატივცემულო დეპუტატებო, გილოცავთ გამარჯვებას 2016 წლის ოქტომბრის საპარლამენტო არჩევნებში და გისურვებთ წარმატებულ მოღვაწეობას ქვეყნის საკეთილდღეოდ, - ამ სიტყვებით გახსნა საქართველოს პრეზიდენტმა, გიორგი მარგველაშვილმა მე-9 მოწვევის პარლამენტის პირველი სხდომა.
პრეზიდენტის მიმართვის შემდეგ, პარლამენტის პირველ სხდომას უხუცესი დეპუტატი რევაზ არველაძე გაუძღვება.
საკანონმდებლო ორგანო პირველივე სხდომაზე თავმჯდომარეს დაამტკიცებს. აღნიშნული პოსტზე "ქართულმა ოცნებამ" პარტიის აღმასრულებელი მდივნის, ირაკლი კობახიძის კანდიდატურა წარადგინა.
სხდომაზე დეპუტატები დაამტკიცებენ ვიცე სპიკერებსაც. პირველ ვიცე სპიკერად წარდგენილია თამარ ჩუგოშვილი, ვიცე სპიკერებად კი გიორგი ვოლსკი, ზვიად ძიძიგური და ილია ნაკაშიძე.
ოპოზიციიდან ვიცე-სპიკერობის კანდიდატებად სახელდებიან სერგი კაპანაძე („ერთიანი ნაციონალური მოძრაობა“) და ირმა ინაშვილი („პატრიოტთა ალიანსი“).
სხდომაზე საპარლამენტო კომიტეტების თავმჯდომარეების დამტკიცებაც მოხდება.
მე-9 მოწვევის პარლამენტში „ქართულ ოცნებას“ 115 დეპუტატი ჰყავს, „ერთიან ნაციონალურ მოძრაობას“ – 27, „პატრიოტთა ალიანსს“ – 6, „მრეწველებს“ - ერთი და ერთი დამოუკიდებელი კანდიდატია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.