რეგიონული განვითარებისა და ინფრასტრუქტურის მინისტრი ნოდარ ჯავახიშვილი „ფრაზერის ინსტიტუტის” მიერ გამოქვეყნებული ”მსოფლიო ეკონომიკური თავისუფლების ინდექსში" საქართველოს მე-5 ადგილზე ყოფნას ეხმაურება.

ჯავახიშვილის განცხადებით, შვეიცარიის შემდეგ მე-5 ადგილზე ყოფნა ნებისმიერი ქვეყნისთვის საამაყო იქნებოდა.

"ჩვენთვის ეს განსაკუთრებით მნიშვნელოვანია, ვინაიდან შვეიცარიას არ სჭირდება იმდენი ინვესტორი, იმდენი საინვესტიციო რესურსი, ჩვენ კი ახლა ამ გრანდიოზული პროგრამების შესრულების პროცესში ძალიან დაგვიჭრდება ეს. ვფიქრობ, ეს ძალიან კარგი მახასიათებელია იმისათვის, რომ ინვესტორი თავისუფლად, ზედმეტი ფიქრის და დარდის გარეშე ჩამოვიდეს საქართველოში.

როდესაც პრემიერმა ამაზე განცხადება გააკეთა, მე ნახევრად ხუმრობით გავუსვი ხაზი ძალიან მჯერა ამ საერთაშორისოდ აღიარებული ინსტიტუტისა, თუმცა ძალიან გამიკვირდა, როდესაც ბრძანა, რომ 2012 წელს, როდესაც 53-ე ადგილზე ვყოფილვართ, მაშინ ბიზნესში ვიყავი და ძალიან კარგად ვიცი, რომ 530-ე ადგილსაც ვერ ვიკავებდით მაშინ ობიექტურად“, - განაცხადა ნოდარ ჯავახიშვილმა.