ბოლო ერთ დღეში საქართველოს ეროვნული ვალუტა დოლართან მიმართებაში 6 პუნქტით გაუფასურდა. ეროვნული ბანკის მიერ ლარის ახალი ოფიციალური გაცვლითი კურსი 20 თებერვლისთვის 2.1472 ლარით განისაზღვრა.

აღსანიშნავია, რომ ეროვნული ბანკის მიერ ლარის დოლართან მიმართებაში ხვალინდელი ოფიციალური კურსის გამოცხადებამდე კომერციულ ბანკებსა და ვალუტის გადამცვლელ ჯიხურებში 1 აშშ დოლარის ფასი 2,2 ნიშნულს გადასცდა. "საქართველოს ბანკში" დოლარის გაყიდვა 2.12 ლარად არის შესაძლებელი, ხოლო ყიდვა 2.22. "თიბისი" ბანკი დოლარს 2.08 -ად ყიდულობს, ხოლო 2.22 -ად ყიდის. "ლიბერთი ბანკის" მონაცემებიც თითქმის ანალოგიურია.

ბანკთაშორის ვაჭრობის შედეგად, ეროვნული ბანკის მიერ დადგენილი კურსი, რომელიც დღეს მოქმედებდა, 2.0839 ლარს შეადგენდა.