ამერიკელებს კოსოვო რომ არ ეღიარებინათ, მე გარწმუნებთ, რომ რუსეთი არ აღიარებდა აფხაზეთსა და სამაჩაბლოს, – ამის შესახებ ბიზნესმენმა ლევან ვასაძემ ტელეკომპანია “იმედის“ გადაცემაში “რეაქცია“ საუბრისას განაცხადა და დაამატა, რომ რუსებს პირდაპირ ეუბნება, რომ ქართველები საქართველოს გახლეჩვას არასოდეს შეარჩენენ.
“რუსეთმა აფხაზეთი და სამაჩაბლო მხოლოდ მას შემდეგ აღიარა, რაც ამერიკელებმა გახლიჩეს სერბეთი, სწორედ მათ დაიწყეს ევროპაში საზღვრების გადაკეთება. ამერიკელებს კოსოვო რომ არ ეღიარებინათ, მე გარწმუნებთ, რომ რუსეთი არ აღიარებდა აფხაზეთსა და სამაჩაბლოს“, – განაცხადა ლევან ვასაძემ.
მისი თქმით, ეს არ ამართლებს რუსეთის მიერ საქართველოს ტერიტორიების ცალკე ქვეყნებად აღიარებას, თუმცა ხსნის იმას, თუ რა მოხდა.
“მე როცა რუსეთში ჩავდივარ თავს ვიგდებ საფრთხეში იმიტომ, რომ რუსებს პირდაპირ, საზოგადოებრივი დიალოგის დონეზე ვეუბნები, რომ ძალიან გვიყვარს თქვენი კულტურა, ისტორია, მაგრამ არ არსებობს, რომ ჩვენ თქვენ ოდესმე შეგარჩინოთ საქართველოს გახლეჩვა“, – აღნიშა ვასაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.