ერევანში პოლიციის განყოფილებაში შეჭრილი შეიარაღებული დაჯგუფების 2 წევრი პოლიციას ჩაბარდა.
„ინტერფაქსის“ ინფორმაციით, შეიარაღებული დაჯგუფების სხვა 2 წევრი ჰოსპიტალში გადაიყვანეს.
თვითმხილველთა ცნობით, შეიარაღებული დაჯგუფების მიერ დაკავებული პოლიციის განყოფილების შენობიდან სროლის ხმა ისმის.
ეუთო-მ კონფლიქტში ჩართულ მხარეებს თავშეკავებულობისკენ მოუწოდა და გააფრთხილა, არ მიმართონ ძალადობრივ და პროვოკაციულ ქმედებებს.
ერევანში დღეს, საპატრულო დაცვის სამსახურის შენობაში შეჭრილმა პირებმა მძევლად აყვანილი ორი ექიმი გაათავისუფლეს. ისინი პოლიციის საგუშაგოს შენობაში 4 დღის წინ დაჭრილი აქტივისტების დასახმარებლად შევიდნენ.
გუშინ ერევანში შეიარაღებული დაჯგუფების მიერ დაკავებულ პოლიციის განყოფილებასთან ახლოს სროლა იყო. ორმხრივი სროლის შედეგად ერთი სამართალდამცველი დაიღუპა. შემთხვევამდე ორი საათით ადრე, სომხეთის ეროვნული უსაფრთხოების სამსახურმა პოლიციის განყოფილების შენობაში მყოფ შეიარაღებულ პირებს ვადა მისცა, რათა ხელისუფლებას ჩაბარებოდნენ.
ერევანის პოლიციის განყოფილების შენობაში შეიარაღებული პირები 17 ივლისიდან იმყოფებიან. ისინი „პოლიტიკური პატიმრების“, მათ შორის ოპოზიციონერი აქტივისტის, ჟირაირ სეფილიანის გათავისუფლებას, ასევე სომხეთის პრეზიდენტის გადადგომას ითხოვენ. 17 ივლისიდანვე პოლიციის განყოფილებასთან პოლიტიკური მოძრაობის მხარდამჭერთა აქციებიც იმართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.