„არსებული რეალობის ფარგლებში, შეუძლებელია „ქართული ოცნების“ 100 დეპუტატით შესვლა პარლამენტში“,- განაცხადა „რესპუბლიკური პარტიის“ წევრმა, თამარ კორძაიამ დღეს გამართულ პრესკონფერენციაზე.

მისი თქმით, იმის გარანტი, რომ ეს არ მოხდეს, იყო საარჩევნო სისტემის „გერმანული მოდელი“, რომელსაც ხმა არც „ქართული ოცნებამ“ და არც „ნაციონალურმა მოძრაობამ“ დაუჭირა.

„ნაციონალური მოძრაობა“ არის უმცირესობაში მყოფი საკმაო დეპუტატების რაოდენობის მქონე პოლიტიკური ძალა, რომელთა ხმებიც გადამწყვეტი იყო ამ რეფორმის განსახორციელებლად. არც იმ პარლამენტში იქნება ისეთი კონსტიტუციური უმრავლესობა, რომელიც შეძლებს საარჩევნო სისტემის შეცვლას. „გერმანული მოდელი“ არის გზა, რომელიც იძლევა შესაძლებლობას ამომრჩევლის ნების შესაბამისი წარმომადგენლობა იყოს პარლამენტში“, - განაცხადა თამარ კორძაიამ.

პრემიერ-მინისტრმა, გიორგი კვირიკაშვილმა გუშინ განაცხადა, რომ „ქართული ოცნება“ პარლამენტში 100-ზე მეტი დეპუტატით იქნება წარმოდგენილი.