ქობულეთის გამგებელმა სულხან ევგენიძემ ქალაქში მიმდინარე ინფრასტრუქტურული სამუშაოები დაათვალიერა. იგი ჯავახიშვილის უბნის კეთილმოწყობით, თავისუფალ ტურისტულ ზონაში მრავალფუნქიური სტადიონების მშენებლობისა და ზღვის სანაპირო ზოლზე სანიაღვრე არხების მოწყობის სამუშაოებს ადგილზე გაეცნო. ამის შესახებ guardian.ge-ს ქობულეთის მუნიციპალიტეტიდან აცნობეს.

"საკურორტო ზოლში ინფრასტრუქტურის მოწესრიგების მიზნით ჯამში 9 მილიონამდე ლარი დაიხარჯება. ინფრასტრუქტურული ღონისძიებები ერთდროულად რამდენიმე უბანში მიმდინარეობს. სამუშაოების დასრულება აქტიური სეზონის დაწყებამდე იგეგმება.

ქობულეთში ქუჩების კეთილმოწყობა რამდენიმე წელია უმნიშვნელოვანეს პრიორიტეტს წარმოადგენს. მოეწყო საკანალიზაციო სისტემები, შეიცვალა წყალგაყვანილობის მილები, კეთილმოეწყო სკვერები, მიმდინარეობს ქალაქის ქუჩების კეთილმოწყობა, ასევე წესრიგდება მრავალბინიანი საცხოვრებელი სახლების ეზოები. უბნებისა და ქუჩების სარეაბილიტაციო პროექტის დასრულება წელს იგეგმება," აცხადებენ ქობულეთის მუნიციპალიტეტის გამგეობაში.