ევროკავშირის გეგმის განხორციელება, რომელიც თურქეთისთვის 1-ლი ივლისიდან უვიზო მიმოსვლას ითვალისწინებდა, შეყოვნდება, რადგანაც ანკარა ამ დროისთვის მთავარ პირობებს ვერ დააკმაყოფილებს. ამის შესახებ "დოიჩე ველე" წერს.
როგორც გერმანული გამოცემა წერს, თურქეთმა იმ ლტოლვილების, რომლებმაც თურქეთი ევროკავშირის ზონაში შესასვლელად სატრანზიტო ქვეყნად გამოიყენა, უკან მიღებაზე თანხმობა განაცხადა იმის სანაცვლოდ, რომ უვიზო მიმოსვლას მიიღებდა, მაგრამ ევროკავშირი დარწმუნებულია, რომ ანკარა 30 ივნისამდე ვერ შეძლებს იმ რეფორმების განხორციელებას, რაც პრესის თავისუფლებასა და სასამართლო სისტემის რეფორმასთანაა დაკავშირებული.
თურქეთში მყოფმა გერმანიის კანცლერმა, ანგელა მერკელმა, თურქეთის პრეზიდენტთან რეჯეპ ტაიპ ერდოღანთან გამართული შეხვედრის დასრულების შემდეგ მკაფიოდ განაცხადა, რომ თურქეთისთვის უვიზო რეჟიმი 1-ლი ივლისიდან არ ამოქმედდება.
“მკაფიოდ განვაცხადე, რომ სავიზო რეჟიმის შემსუბუქების გზა 72 პუნქტიან შეთანხმებაზეა დამოკიდებული. აუცილებელია 72-ვე პუნქტის შესრულება, რათა სავიზო რეჟიმი შემსუბუქდეს," განაცხადა ანგელა მერკელმა.
როგორც ცნობილია, თავის მხრივ თურქეთის პრეზიდენტის მრჩეველმა განაცხადა, რომ აპირებს გადახედოს ევროკავშირთან დადებულ ყველა შეთანხმებას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.