ცაგერში ევროპული სტანდარტების შესაბამისი, მრავალპროფილიანი სპორტული კომპლექსის მშენებლობა მიმდინარეობს, რომლის სახელშეკრულებო ღირებულება 2 714 143 ლარს შეადგენს.


რაჭა-ლეჩხუმ-ქვემო სვანეთის გუბერნატორის პრესსამსახურის ცნობით, გუბერნატორი პაპუნა მარგველიძე სპორტკომპლექსზე მიმდინარე სამშენებლო სამუშაოებს ადგილზე ცაგერის გამგებელთან, რევაზ ბენიძესთან ერთად გაეცნო და ცაგერის მუნიციპალიტეტში მიმდინარე სხვა ინფრასტრუქტურულ პროექტებიც დაათვალიერა.


გუბერნატორმა ცაგერის რეაბილიტირებული მუზეუმის შენობა და ახლად გარემონტებული N1 საბავშვო ბაღი დაათვალიერა, შემდეგ კი სოფელ ქვედა ცაგერში 30 ბავშვზე გათვლილი ახალი საბავშვო ბაღის სამშენებლო სამუშაოები დაათვალიერა, რომლის სახელშეკრულებო ღირებულება 404 404 ლარს შეადგენს.


2015–16 წლებში რეგიონის მასშტაბით 5 ახალი საბავშვო ბაღი აშენდა, 8 სკოლამდელ სააღმზრდელო დაწესებულებას კი რეაბილიტაცია ჩაუტარდა.