პრემიერ-მინისტრის თანაშემწე ადამიანის უფლებების დაცვისა და გენდერული თანასწორობის საკითხებში, სოფო ჯაფარიძე და საქართველოს მთავრობის ადმინისტრაციის ადამიანის უფლებათა დაცვის სამდივნოს უფროსი, ნატალია ჯალიაშვილი ბავშვთა პროსტიტუციისა და ბავშვთა პორნოგრაფიის საკითხებზე გაერო-ს სპეციალურ მომხსენებელს მოდ დე ბურ-ბუკიკიოს შეხვდნენ.
შეხვედრას ასევე ესწრებოდნენ გაერო-ს ადამიანის უფლებათა დაცვის ოფიცერი, ნეკანე ლევინი და ოჯახში ძალადობის აღკვეთის ღონისძიებათა განმახორციელებელ უწყებათშორის საბჭოსთან არსებული ოჯახში ძალადობის მსხვერპლის სტატუსის განმსაზღვრელი ჯგუფის (შემდგომში სტატუსის მიმნიჭებელი ჯგუფი) წევრები.
სპეციალური მომხსენებელი დაინტერესდა ოჯახში ძალადობის მსხვერპლი ბავშვებისთვის ძალადობის მსხვერპლის სტატუსის მინიჭების პროცედურებით. ასევე, გამოწვევებით და თავისებურებებით, რაც ზემოაღნიშნული კატეგორიის პირთა საქმეებს ახასიათებთ. სოფო ჯაფარიძემ სპეციალური მომხსენებელს მიაწოდა ინფორმაცია ოჯახში ძალადობის აღკვეთის ღონისძიებათა განმახორციელებელ უწყებათშორის საბჭოს და მასთან მოქმედი ოჯახში ძალადობის მსხვერპლის სტატუსის განმსაზღვრელი ჯგუფის საქმიანობის თაობაზე.
ნატალია ჯალიაშვილმა მოდ დე ბურ-ბუკიკიოს მიაწოდა ინფორმაცია ადამიანის უფლებათა დაცვის ეროვნული სტრატეგიისა და ადამიანის უფლებათა დაცვის განახლებული სამთავრობო სამოქმედო გეგმის (2016-2017) შესახებ. საუბარი ასევე შეეხო ბავშვთა უფლებების ინტეგრირებას სამთავრობო სამოქმედო გეგმაში და ამ უკანასკნელის შესრულების საკოორდინაციო მექანიზმს.
გაერო-ს სპეციალური მომხსენებლის ვიზიტი საქართველოში 18 აპრილამდე გაგრძელდება. ვიზიტის ფარგლებში სპეციალური მომხსენებელი შეხვდება როგორც საკანონმდებლო, აღმასრულებელი და სასამართლო ხელისუფლების, ასევე დიპლომატიური კორპუსისა და სამოქალაქო საზოგადოების წარმომადგენლებს, სახალხო დამცველს, მოინახულებს ბავშვთა სახლებს და თავშესაფრებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.