ისრაელის სამხედრო თვითმფრინავმა სირიაში ირანული სამიზნეების წინააღმდეგ იერიშის მიტანისას კატასტროფა განიცადა, განაცხადა ისრაელის სამხედრო ძალებმა.

როგორც BBC იუწყება, ორმა მფრინავმა თვითმფრინავიდან პარაშუტებით გადმოხტომა მოახერხა. პილოტები უსაფრთხოდ დაეშვნენ ისრაელში, მოგვიანებით კი საავადმყოფოში გადაიყვანეს.

ისრაელმა განაცხადა, რომ მისი თვითმფრინავი F-16 ისრაელის ტერიტორიაზე დრონით წამოწყებული იერიშის საპასუხო დარტყმებს ახორციელებდა - დრონი ხელში იქნა ჩაგდებული.

განგაშის სირენები ისმოდა ჩრდილოეთ ისრაელის მიდამოებსა და გოლანის სიმაღლეებზე.

მიმდებარე ტერიტორიის მცხოვრებლებმა განაცხადეს, რომ არაერთი აფეთქების ხმა გაიგეს და ინტენსიური საჰაერო აქტივობები შენიშნეს ისრაელის იორდანიასა და სირიასთან საზღვრების სიახლოვეს.

„საბრძოლო ვერტმფრენმა წარმატებით ჩაიგდო ხელში ირანული საჰაერო სატრანსპორტო საშუალება, რომელიც სირიიდან იქნა გაშვებული და შემოიჭრა ისრაელში“, ნათქვამია ისრაელის თავდაცვის ძალების განცხადებაში.

მასში აღნიშნულია, რომ დრონი სწრაფად იქნა იდენტიფიცირებული და „ხელში ჩაგდებამდე მეთვალყურეობის ქვეშ“ იმყოფებოდა.

„საპასუხოდ, ისრაელის თავდაცვის ძალებმა სირიაში ირანულ სამიზნეებზე მიიტანეს იერიში“, აღნიშნულია სამხედრო ძალების მიერ გავრცელებულ განცხადებაში.